 |
| Oan Husi Saudozu Balasius Bere “Bola Cassa” |
Covalima (RCCT) 16-09-23–Veteranus Balasius Bere kodigu Bola Cassa fila hikas ba aman maromak nia kadunan santa, hafoin lafaek tata iha Lagoa Hasan Foun Salele, Tilomar iha loron sexta (15/09) tuku walu dader sai husi uma ba lagoa atu kail ikan.
Saudoso nia oan mane bo’ot Carlos Agustinho dos Santos konta kronolojia kona-ba saudoso nia mate katak iha sesta dadersan haleu 8:30 oras Timor Leste matebian sai husi uma sai husi uma la fo hatene familia ba kail ikan iha Lagoa Hasan Foun ne’ebé besik iha Fronteira Covalima Tilomar ho Malaka Indonezia.
Tanba ne’e, tan ne’e iha oras kalan haleu tuku 7 atu tama ba tuku 8, Saodosu Bola Cassa seidauk fila uma, ho ida mak, familia sira ba buka no hetan duni matebian nia pasta, xinelus, sabit inklui kail iha kolam ninin maibe la konsege hetan matebian nia isin lolon.
Familia kontinua buka to’o Sabado dadersan maka foin hetan fali matebian nia parte sisin lolon balun “ten kabun sorin” tanba isin lolon tomak Lafaek han hotu ona.
“Motivu husi ha’u nia aman nia mate, ne’e hahu iha loron Sesta sai husi uma iha dader tuku 8:30, tun ba iha kolan atu kail ne’ebé besik iha fronteira ho Indonezia, maibe ha’u rasik hanesan oan mane bo’ot ho ha’u nia ama la hatene tanba matebian sai husi uma la fo hatene ami” informa Matebian nia oan Mane Bo’ot Carlos Agustinho dos Santos hafoin Buka hetan nia aman nia isin sorin sabado (16/09)
Ho akontesimentu ne’e Autoridade Protesaun Civil Munisipiu Covalima, ekipa Bombeiros, protesaun civil hamutuk ho komunidade Salele Ajuda familia buka matebian Bola Cassa nia mate isin iha Lagoa Hasan Foun maibe la konsege hetan matebian nia isin lolon kompletu, hetan deit matebian nia ten rohan ho nia roupa tanba isin lolon Lafaek han hotu ona.
“Ohin haleu oras tuku 8 hamutuk ho ekipa kompostu husi Komandante Eskuadra Tilomar ho membru, komandante Bombeiros ho nia membru, autoridade protesaun civil hamutuk ho familia no autoridade lokal xefe aldeia no xefe suku ba iha fatin akontesimentu halo buska fahe ekipa, konsege hetan mate isin nia rohan balu konsege foti lori transporta mai kedas iha nia residensia Salele” informa Komandante Autoridade Protesaun Civil Munisipiu Covalima, Flavio dos Santos Mendes,
Engkuantu, Saudoso Balasius Bere ho kodigo Bola Cassa moris iha loron 20/07/1957 no matebian mate, husik hela oan na’in 4 kompostu husi feto na’in-3 no mane 1.
Entertantu hafoin hetan matebian nia isin rohan ekipa konjunta hamotuk familia no komunidade sira evakua kedas matebian ho Ambulansia Carro funerariu husi Lagoa Hasan Foun ba ba iha matebean nia residensia Suku Maudemo, Postu Administrativu Tilomar.
Jornalista : JS
Editor : CN
