Covalima (RCCT) 02-10-23–Ministeriu Juventude Desporta Arte no Kultura liu husi Komisaun Regulador Arte Marsiais (KRAM) Munisipiu Covalima Sabadu fin de Semana ne’e hala’o sosializasau lei arma branka ko’alia konaba numeru 5/2017 no segundu diretiva KRAM nian ba organizasaun arte marsias no organizasaun arte riatual iha Aldeia Makous, Suku Taroman, Postu Administrativu Fatululik.
Prezidenti Sub-KRAM Munisipiu Covalima Francisco Barros, iha nia intervensaun husu ba oraganizasaun arte marsiais no arte ritual hotu iha Fatululik labele uza atributu arte masiais nian iha fatin publiku maibe bele uza ba iha fatin treinamentu deit
“Ha’u hanesan Prezidente KRAM Munisipiu Covalima hakarak hato’o lia menon ba imi hau hatene Fatululik problema hau rona mais atu todan liu laiha, maibe hakarak hatete ba ita boot sira duerante ne’e ema kondena ita boot sira ho lei numeru 5/2017 ko’alia kona ba arma branka no imi atu treinu karik atu kumpri lei ida ne’e” hatete Prezidente Sub-KRAK Munisipiu Covalima Francisco Barros iha nia intervensaun hafoin hala’o sosilizasaun ba Organizasaun arte marisias no arte ritual sira iha Aldeia Makous, Suku Taroman, Postu Administrativu Fatululik (30/09) Foin Lalais
Administratdor Postu Administrativu Fatululik Jose Afonso, mos husu ba organizasaun arte Marsiais hotu iha Fatululik atu kumpri saida maka KRAM fo sai tanba lei iha ona atu regula arte marsiais hotu.
“Agora daudaun lei iha ona atu regula ita boot sira tanba baibain ne’e hanesan karau ida ita boot sira ne’e luhan laiha entaun tama sai to’os ne’e konforme ita boot sira nia hakarak deit tan ne’e husu atu kumpri” nia husu.
Kordenador IKS-PTL Postu Fatululik, Francisco Leite sente kontente ho prezensa KRAM iha Fatululik hodi sosializa lei No.5/2017 ba organizsaun hotu, nia konsidersosializasaun ida ne’e di’ak tanba bele regula ona arte marsiais hotu labele halo buat ida tuir nia hakarak liliu regula atu labele uza Atributu Orgaun nian iha fatin publiku basa kontra lei arma branka
“Senti kontente tanba ohin KRAM mai fahe informasaun konaba lala’ok arte marsiais nian no labele uza atributu organizasaun nian arbiru iha fatin publiku ne’ebé ho formasaun ne’e ami kontenti no bainhira ami fila husi formasaun ne’e fila ba sei hato’o ba membru organizasaun hotu atu kumpri karik la kumpri maka naran uza atributu arte marsiais nian iha fatin publiku ema hetan maka sei hetan sansaun” nia dehan.
Kordenador Kungfu Master Postu Fatululik, Ireneus Alves do Santos Pereirra, promete nia parte fila ba sei habelar infomasaun ne’e ba membru sira nune’e bele kumpri liu tan regulametu sira ne’ebé iha ona nune’e hetan sansaun husi husi KRAM.
“ami sente kontente ho KRAM mai fahe informasaun ba organizasaun arte marsiais hotu iha Fatululik, nune’e ba futuru ami fila ba bele habelar tutan ba alin sira ne’ebé maka tuir treinu atu nune’e labele hetan sansaun husi governu ka estadu liu husi KRAM fo sai ona lei refere hodi kondena arte marsiais sira” nia hatete.
Entertantu sosializasaun ba lei No. 5/2017 ne’e hala’o iha Aldeia Makous, Postu Administrativu Fatululik no hetan partisipasaun husi Administrador Postu Administrativu Fatululik, Xefe Suku Taroman, enkuantu organizasaun arte marsiais ne’ebé partisipa maka PSHT, IKS-PTL, KORKA, Kungfu Master, maibe organizasaun arte ritual ida mos la marka prezensa.
Jonalista : JS
Editor : CN
