Covalima (RCCT) 06-06-24–Hafoin akontese udan bo’ot Kuarta kalan to’o kinta ohin seidauk para no korente mota Lomea tun maka’as hodi impede estudante sira husi Aldeia Kulu-Oan, Suku Tashilin, Postu Administrativu Zumalai labele tama aula hodi tuir prosesu aprendisazem iha Eskola Baziku Central Tashilin tanba impede husi mota ne’ebe sa’e.
Estudante Graciana Pereirra, sente triste bainhira dader sai husi Uma Kulu-Oan Atu mai eskola iha Tashilin maibe to’o iha dalan klaran labele liu tanba udan bo’ot no korente be maka’as halo sira labele utra pasa.
“Ami nudar estudante sente triste tanba ohin ami sai husi uma atu ba eskola to’o iha dala klaran be maka’as no lori hotu ami nia sepatu, kadernu no lapizera sira, hanesan hau’ nia kolega ne’e sente triste tanba ninia sasan hanesan livru mota lori hotu” Estudante Graciana Pereirra informa iha Kulu-Oan.
Nune’e mos Estudante Natalino de Araujo, dehan hamosu udan korente be maka’s, sobu estrada diresaun Kulu-Oan ba Tashilin hodi difikulta estudante sira labele utrasaun hodi liu ba sira nia eskola.
“Sente triste tebes tanba ami nia dalan at halo ami liu ladia’ak atu ba eskola tanba be maka’as iha estrada klaran, no oras ne’e daudaun ami nnia estrada nakfilak ona ba mota” informa estudante Natalino de Araujo.
Entertantu tuir observasaun, RCCT iha kinta feira horseik, estudante husi Eskola Baziku Central Tashilin liliu ba estudante sira ne’ebé hela iha Aldeia Kulu-Oan labele tuir prosesu apredisajem tanba impede husi dalan at no korente be maka’as halo sira labele utrapasa no mos sira nia kadernu inklui sepatu be lori hotu.
Jornalista : Julio Salinas
Editor : Chamot Nahac
