Matan wen turu, suli habokon hasan, Elfriana Bui hateten maske nia la’en infrenta hela moras oin halai bebeik, maibe nia nafatin esforsu atu buka osan hodi sutenta nia familia ba moris loro loron, maibe ho esforsu sira ne’ebe nia halo, kada vez hetan deit dollar ida ne’ebé uja hodi sosa fos saku ida mos la kotu.
“Obrigadu barak ba joven sira ne’ebé mai ajuda ami no ami kontenti tanba ami hanesan familia barak ona ami halerik loro kalan kalan ami lori ai ne’e ami fera loro ida futun ida ami hetan $ 1.00 mos tenke obriga familia sira, sekaraik sira hola entaun ami lori hola fos se lae ami la sosa tanba sosa la kotu sekraik ema la fan fos kilu entaun ami tur halerik ho mata ben, lorol oron ba buka kankun iha natar, buka baria fuik iha ailaran, ba agora dadaun imi tau matan ba ami no hanesan ne’e ami Kontenti sekarik ita b’oot sira la tau matan karik ami halerik,imi mai hanesan ne’e ami atu hodi sa mak selu fali favor ida ne’e, ami selu labele tanba osan laiha, han laiha, apa ne’e servisu labele tanba nia la’o monu deit ne’ebé apa hein deit iha uma ha’u mak mak ba ku kanko lori mai, sosa fos kilu obriga ita kan familia sia ne’e hola sekarik la hola karik ami tur hanesan ne’e deit “ Efriana Bui konta konaba sira nia kondisaun moris.
Notisia relevante : https://radiosuai.blogspot.com/2024/02/quintinho-ho-nia-familia-loron-han-dala.html
Elfriana Bui dehan maske menus iha nesesidade, maibe nia sei esforsu an hodi buka osan atu sustenta nia familia no haruka nia oan feto mesak ba eskola, maibe nia dehan kada ves nia esforu fera ai sunu hodi ba fa’an mos ema la sosa.
“ Ami fera ne’e ema dalaru ema la sosa, rai hanesan ne’e deit ,lori sa mak atu sosa fos no lori sa mak atu suporta oan ba eskola, ami esforsu atu halo oan ba eskola mais labele forsa mak la to’e, mais la suporta aban bainrua ami mate karik nia atu ba los ne’ebé nia mesak tan nia atu ba husu iha se, ne’e mak maske moras mos ha’u obriga ba nafatin, maske udan bokon mos ba nafatin” Tenik nia.
Ho kondisaun volneravel ne’ebe Familia ne’e infrenta maka Radio Cova Taroman, Junvetude sira no mos membru IKS PTL Kera Sakti iha Covalima, iha Loron ne’ebe lahanesan lori Apoiu Nesesidade Baziku fo tulun familia ne’e.
“Radio Comundade Covataroman ho joventude sira halo apoiu sosial ka nesesidade oan ruman ne’ebé mak bele hodi sustenta ita pai ita nia maen sira nia moris loroloron nian”, katak Juventude Paul Mande’u.
Nune’e mos konsellu radio Cova taroman Franselino Freitas Carvalho ko’alia deha “ohin Radio Comunidade Cova Taroman hamutuk ho Joven na’in hira ida ,ami mai fo ami nia tulun balu tuir k’bit ne’ebé ma kami iha hanesan fos, Supermi, iha mos bimoli NST” Katak Konsellu Radio comunidade Franselino Freitas Carvailho.
Nune’e reprezenta Familia Kera Sakti Iha Covalima, Ercio Magno da Cruz, Konvida Joven sira atu lolon liman hodi fo tulun ba Famalia ne’e hanesan asaun domin.
“Husu ba Maluk Joventude sira atu mai ita hamotuk fo tulun ba ita nia familia ne’e, ita hare ba sira nia kondisaun ne’e merese dunu atu hetan tulun husi ita” katak Ercio magno da Cruz.
Xefe Aldeia Oges Martinho Barros, rekuñese konaba ba Kondisaun moris Quintinho Barros ho nia familia ne’e Vulneravel duni. Hatutan moris liu husi fa’an ai maran no modo kanku ne’ebé hetan iha natar laran ba vizinu sira, maibe dala barak la folin.
“moris Vuneravel tanba Sira atu buka moris mos ho deit fera aimaran lori ba fan depois nia leba fa’an lakotu fila fali mai tur ho halerik ho ida ne’e vizinu sorin sorin hateke hela sira tur bila an hela, ho ida ne’e vizinu sorin sorin sira ne’e fo suporta hanesan fos kilu ida hodi sustenta sira nia moris” dehan Xefe Aldeia Ogues.
Nune’e Xefe Aldeia Ogues Martinho Barros dehan sei hato’o relatoriu ba ministeriu sosial nune’e bele fo apoi ba Quintinho ho nia familia ne’e.
Engkuantu Familia Vulneravel ne’ebe ne’e hela iha Bairo Tali Oan, Aldeia Ogues, Suku Ogues, Postu Administrativu Maukatar, Munisipiu Covalima, Familia ne’e Kompostu husi ema na’in tolu, Quintino Barros idade neen nulu resin no nia espoza Efriana Bui, no nia oan feto mesak Gaudensian Barros foin tama tinan 16.
Jornalista : Julio Salina/Moichung
Editor : Chamot Nahac
