Covalima (RCCT) 22-05-23-Partidu Kongresu Nasionál Rekonstrusaun Timor-Leste (CNRT) provizóriu kontinua lidera kontajen votu iha apuramentu Munisípal Covalima ho totál votu hamuruk 3,750.
Sekretáriu Tékniku Administrasaun Eletorál munisípal Covalima segunda ne’e, hahú realiza prosesu apuramentu iha oras 08:00 no to’o oras 11:52 partidu ho númeru sorteiu 12 mak lidera provizóriu iha munisípiu Covalima ho porsentu 37,77%.
Ho nune’e rezultadu tabulasaun provizóriu munisípiu Covalima partidu polítiku ho númeru sorteiu 12 lidera dahuluk ho votu 3.750, tuir kedas, FRETILIN 1.565, PD 1.552, PLP 900, PUDD 436.
Enkuantu, KHUNTO 387, PVT 213, PLPA 33, CASDT 32, APMT 31, PST 22, PR 18, MLPM 14, UDT 12, PDN 11, PDN 11 , PDC 11 no UNDERTIM 8.
Munisípiu Covalima totál akta hamutuk 100 ho estasaun votasaun 120 ne’ebé sei halo prosesu apuramentu municipal.
Provizóriu prosesu apruramentu hahú tuku 08:00 dader to’o ona 12:00 ne’e akta ne’ebé dijitaliza hosi STAE iha apuramentu munisípiu hamutuk akta 28, nune’e seidauk dijitaliza akta hamutuk 72.(JS)
