COVALIMA—-Diretór Komisaun Nasionál ba Eleisaun (CNE) Munisípiu Covalima, Hermenegildo de Sena, hateten progresu ba konstrusaun edifísiu foun CNE Covalima oras ne’e servisu lao tama ona ba iha pursentu 18 (18%)
“konstrusaun ba ita CNE no STAE iha Covalima hetan konstrusaun ba edifísiu ne’e finansia husi povu japaun liu husi UNDP ho nune’e progresu konstrusaun edifísiu, Komisaun Nasionál ba Eleisaun (CNE-Sigla Portugés) tama ona ba iha 18%” infoema Diretór CNE Munisípiu Covalima Hermenezildo de Sena ba jornalista sira iha nia kna’ar fatin CNE Covalima Tersa (24/01).
Nia dehan, Progresu konstrusaun ba edifísiu CNE atinje ona 18%, tanba nia progresu edifísiu kompañia hahú fui ona fondasi. Konstrusaun edifísiu CNE foun lokaliza iha aldeia tabakolot, suku Debos, postu Administrativu Suai.
Nia dehan Iha tempu eleisaun parlamentar 2023 ne’e atu utiliza ka la’e ida ne’e depende ba kompañia sira nia servisu tanba durasaun tempu ba kompañia halo konstrusaun edifísiu ho durasaun tempu fulan neen (6) ne’ebé kompaña hala’o servisu foin fulan ida.
“Ami hein hela karik kompañia aselera sira nia servisu maka finaliza lalais iha fulan maiu ka juñu CNE bele muda ona ba edifísiu foun” nia dehan.
Nia afirma edifísiu CNE ne’e konstrui husi kontratór kompañia Via Mali hodi kontrata badaen hamutuk na’in-14, hodi hala’o servisu ba konstrusaun edifísiu CNE Covalima.
Entertantu konstrusaun ba edifísiu CNE konstrui husi kompaña Via mali Unipesoal LDA ho durasaun tempu durante fulan neen (6) no kompañja Via mali Unipesoal LDA hahú halo konstrusaun iha loron 26 fulan novembru tinan 2022 ho orsamentu $150,009.72.(Azu)
