Covalima (RCCT) 20-01-25- Na’in ba Rai Korioju hakarak hapara prosesu aprendijazem iha Eskola Baziku Filial (EBF) Baer iha suku Beiseuk Postu Administrativu Tilomar ne’ebé iha tinan 2018 governu liu husi ministeriu edukasaun uza provizoria nia rai hodi hari eskola maibe dadaun ne’e governu uza permanente ona sei iha indiminizasaun ba nia (red Evaristo).
Na’in ba rai Evaristo de Araujo, hakarak hapara prosesu aprendijazem ne’e tanba dadaun ne’e rai ne’ebé Estadu utiliza hodi konstrui edifisiu EBF Baer, sei disputa no prosesu to’o iha tribunal.
“sira hahu kontrui iha 2018, sira taka sementara deit maibe iha 2018 nia laran ha’u proseses tia ona, sira taka hanesan tenda ida sira dehan hodi eskola sementara deit mais atu halo lolos iha eskola tuan iha fatubesi bubur laran ne’e mak ha’u dehan ba sira labele halo, ba halo iha eskola tuan ne’eba maibe sira hodi bit nafatin. Eskola ne’e sira halo tembok iha leten sira didin bebak husi 2008 mai to’o 2009.” Na’in ba Rai, Evaristo de Araujo informa.
Evaristo dehan hato’o ona keixa ba iha defensor publiku hodi ajuda ba prosesu disputa rai ne’e, no prosesu lubuk ida mak liu ona to’o iha ministeriu publiku no trinunal.
“Ha’u dehan para lai tamba kazu ne’e ha’u lori ba ona iha defensor, doutor ne’e naran Manuel nia tempu, depois dotor manuel haruka ha’u ba sukat ona rai ne’e luan metru 170, naruk metru 170, hamutuk metru 340. Ha’u lori ba iha ministeriu publiku ne’ebé kazu ne’e sei gantung hela iha ministeriu publiku, tama iha 2016 Edukasaun rehabilita fila fali eskola ne’e, hatun rai henek reit tolu fatuk reit tolu ha’u proseses kedas, dader ha’u ho hau nia subriñu naran Domingos Luan tula ha’u husi mota ba lansung ba hasoru Xefe Suku Saturino Cardoso Maia iha nia uma.” Evarestu de Araujo, konta kronolozia disputa rai ne’e.
Tuir Diretóra Edukasaun Munisipiu Covalima Elda Fatima, informasaun ne’ebé nia hetan husi diretór sesande katak problema rezolvido ona, no nia dehan komunidade no autoridade sira rasik mak intrega rai ne’e ba estadu hodi nune’e ministeriu edukasaun hari edifisiu EBF Baer.
“Tuir ha’u nia hatene ne’e husi diretór sesante sira husi funsionariu edukasaun sira resolve ona, rai ne’e komunidade mak intrega ba governu depois edukasaun halo edifisiu ba dala hira ona no to’o permanente ne’ebé ema ida la kestiona, pois iha sexta feira ne’e tiu ida mai dehan rai ne’e ninian, nia mos ameasa dehan atu ba taka eskola iha ne’eba ne’ebé ha’u mos orienta kedas diretór Ensinu Baziku Foho Bua ho Kordenador Baer atu hein iha ne’eba ho Xefe Aldeia sira atu hodi hare tebes ka la’e?. Ohin loron nia atu ba kansela eskola iha ne’eba ne’e atu nune’e kaer kedas tiu ne’e ita atu resolve kedas para buka solusaun se lae nia provoka bebeik situasaun, entaun ita nia oan no professor sira ne’e hala’o servisu la ho seguru, tanba dokumentus ne’ebé mak nia hodi ne’e nia hatudu deit nia foto rai ne’e deit ni nia dehan hato’o iha ministeriu publiku mais solusaun husi ministeriu publiku, husi xefe aldeia, husi xefe suku sira no administrador la iha no akordu ruma husi edukasaun mos la iha so karta ne’e nia na’in rasik mak asina iha deit” informa Diretóra Servisu Edukasaun Munisipiu Covalima Elda Fatima.
Entretantu Diretóra Servisu Edukasaun Munisipiu Covalima Elda Fatima, mos rekuñese, Sexta foin lalais iha Komunidade ida ne’ebé deklra an na’in ba rai ba hato’o lementasaun no aprezenta dokumentu rai nian iha servisu edukasaun covalima hodi fortifika nia atu hapara prosesu apredijazen iha EBF Baer, maibe to’o notisia ne’e lansa prosesu aprendijazen la’o normak iha Ensinu Baziku Baer.
Jornalista : Alfredo Barreto
Editor : Chamot Nahac
