Reprezenta Familia IKSPTL Kera Sakti iha Covalima, Ercio Magno da Cruz, Manifesta konaba asaun ne’e hanesan domin nudar Covalima oan ba Sr. Quintino Barros ho nia familia ki’ik ne’ebé infrenta laiha ai han, Ercio mos dehan Kuantidade Apoiu la tau ba kestaun tanba Valor Domin ba malu hanesan umanu sei sai osan mean.
“ami husi familia bo’ot Kera Sakti Covalima lori netik aihan ruma fo familia ida ne’e, ami hare iha media dehan familia k’bit laiha atu hola aihan ruma entaun ami husi familia Keras Sakt Covalima hola netik aihan oan ruama hodi mai labarak liu maibe atu bele sustenta sira nia nesesidade iha tempu badak nia laran, mesangen ba maluk sira seluk ita nia unidus ne bele hatudu liu husi asaun sira hanesan ne” Reprezentante Familia bot IKS PTL Munisipiu Covalima Ercio Magno da Cruz.
Antes ne’e Radio Komunidade Cova Taroman fo apoiu aihan balu familia vuneravel ne’e, nune’e Konsellu Radio Comunidade Cova Taroman Franselino Freitas Carvalho, hatete asaun karitativa ne’ebé radio Comunidade halo atu hodi maluk sira liu liu autoridade bele fo tulun.
Nune’e Konsellu Radio Cova Taroman rekomenda ba Governu liu liu ba Sekretariu Estadu dezenvolvimentu Lokal atu toma nota hodi fo apoiu ba Familia Vuneravel ne’e, liu liu konaba uma, tanba hela fatin ne’e sira hamon ba dadaun ne’e kondisaun at grave ona.
“Radio Comunidade Cova Taroman hamutuk ho joven sira fo ami nia tulun balu tuir k’bit ne’ebé mak ami iha hanesan fos, Supermi, Mina tein hodi tulun ita nia familia k’bit laek ne’ebé mak hela iha fatin ida ne’e no kondisaun uma mos hanesan ne’e kuandu anin bo’ot udan bo’ot familia ida ne’e labele toba iha sira nia uma, sira tenki husik hela fatin ba toba iha fatin seluk aleinde ida ne’e fiar katak husi azuda ka tulun ne’ebé mak Radiu Comunidade ho joven sira fo hodi bele fanun ita nia autoridade lokal ho ita nia naiulun sira hodi fo netik tulun uma ne’ebé mak ho nia kondisaun hanesan ne’e, sira presiza iha fatin dignu para sira bele hela nudar ema umanu, oan feto mos agora dadun nia tenki abandona nia futuru, fiar katak ho tulun sira ne ‘e bele ajuda k’bit laek ida ne’e, rekomenda mos ba Sekretariu Estadu Dezenvolvimentu lokal atu bele tau matan ba familia k’bit laek ida ne’e” Konselu radio Comunidade Cova taroman Francelino Freitas Carvailho
Joventude Paul Mandeu antiasimu ho kondisaun moris ne’ebé mak familia ne’e infrenta tanba ne’e husu ba parte Relevante sira persija tau matan ba uma kain vuneravel ne’e.
“ Nudar Joven senti ansetiasmu tebes ho informasaun ne’ebé mak ita rona husi media relasiona ho ita pai, ita mae ho ita nia alin ho kondisoens moris moris ida ne’ebé vuneravel entaun ohin ita hamutuk Ho Radio Comunidade Cova Taroman ho kolega Joventude sira lubuk oan ida halo apoiu sosial ka suporta nesesidade ruman ne’ebé mak bele hodi sutenta ita nia pai ita nia mae sira nia moris loro loron nian, tanba tanba ne’e nudar joven ida hakarak atu tutela ba parte relevante sira presija tau matan ba ema ne’ebé mak moris ho kondisoes vuneravel ka morias ki’ak” Joventude Paul Mandeu dehan.
Entretantu Apoiu ne’ebe Familia IKS PTL Kera Sakti Munisipiu Covalima, Radio Comunidade Cova Taroman no Joventude sira tulun ba familia vulneravel ida iha Aldeia Ogues, Suku Ogues, Postu Administrativu Maukatar ne’e mak hanesan, Fos, Masin, Masako, Mina tein, Kafe, Masi Midar, rinso no seluk tan.
Lee Tan Notisia Relevante: https://radiosuai.blogspot.com/2024/02/quintinho-ho-nia-familia-loron-han-dala.html
Jornalista: Moichung/Julio Saninas
Editor : Chamot Nahac
