Covalima (RCCT) 22-01-25-Privoziamente Seretariadu Konsellu Kombatente Libertasaun Nasional (CCLN) Covalima print ona fixa hamotuk atus hat resin ba kombatente sira iha Covalima.
Sekretáriu Konsellu Kombatente Libertasaun Nasional iha Munisipu Covalima, Joaquim Barros “Sikat Let” hatete print fixa ne’e atu fo ba kombatente sira hodi halo kontestasaun ka reklamasaun ba lista edital veteranu 2009 ne’e foin dadaun publika husi CCLN iha loron 15 fulan Janeiru ne’e basa lista edital ne’e la fo satisfaun maiuria ba veteranu sira.
Sikat Let informa, prosesu print atraza tanba uza sistema online ne’ebé mosu fallansu iha sistema ne’ebé ho nia karregamentu ki’ik (loading kleur) alein de ne’e akontese eletrisidade lakan mate mos kontribui ba prosesu Print Fixa tarde.
“Print iha Konsellu Munisipal ne’e kuaze atu tama ona atus hat resin, tanba sistema loading ne’e maka kleur liu, ita uza sistema online, maibe ita nia kombatente sira pasiensia hein para hotu-hotu ne’ebé maka atu halo fila fali reklamasaun no kontestasaun ne’e sira bele hetan hotu fixa depois foti mos formulariu ida ba halo konstestasaun no reklamasaun, print tarde tanba impaktu ida mos mai husi eletrisidade oras ne’e daudaun lakan mate hela de’it iha Covalima hodi fo impaktu mos ba print sai fixa ne’e ba kombatente sira” Sikat Let dehan.
Nune’e mos, Sikat Let apela ba kombatente sira atu ida-idak hakbesik ba responsavel sira hodi hadi’a naran dadus tuir ne’ebé la apar ho lista edital veteranu resjistadu 2009 ne’ebé publika ona iha loron 15 fulan janeiru foin lalais.
“Fo hela mensajem ba ita nia kombatente sira ne’ebé iha loron 15 taka lista edital rejistadu 2009 nian, hotu-hotu la satisfas, mai halo protestu iha ne’e, ne’ebé hotu-hotu di’ak liu ita mai ita print fila fali fixa hakbesik ba responsavel sira para atu bele hadi’a ita saida maka uluk ita halo hamutuk ho ita nia responsavel sira, responsavel sira ida-idak maka koñese ita k’lean ba ita nia atividade sira ne’e tanba funu organizasaun ne’e iha ulun ida maka atu diriji, ita forma grupu ida karik iha responsavel maka atu orienta hodi partisipa iha luta, tanba ne’e ida-idak fila fali ba iha ninia responsavel grupu ka responsavel kaixa para hodi hadi’a fila fali dadus sira ne’eb’e uluk ita resjita ona iha 2009, ikus mai rezultadu la satisfas tuur hamutuk fali ho sira bele hadi’a fila fali” nia dehan.
Enkuantu mairia veteranu sira la konkorda ho publikasaun lisata edital ba veteranu rejistradu 2009 ne’ebé fo sain iha loron 15 fulan foin lalais, tanba konsidera mosu erru no manipulasaun ba durasaun tempu partisipasaun funu.
Jornalista : Julio Salinas
Editor : Chamot Nahac
