Covalima (RCCT) 30-05-23-relasiona ho konfrontasaun entre joven iha Suku Tashilin hodi rezulta komuidade nia uma 8 no motorizada 5 inklui joven na’in-2 ida hetan kanek grave no ida kanek kaman.
Xefe Suku Tashilin Martinho Magno, konta kronolojia katak akontese ne’e iha oras tuku 10 kalan, maibe motivu husi akobtesimentu ne’e tan saida la hatene maibe derepente deit ema hakilar dehan ninja, maibe ho lia fuan ida dehan ninja ne’e halai sai mai husi uma laran haree laos ninja maibe joven sira husi Aldeia Bora Ikun maka mai asalta fali joven sira iha Aldeia Galitas, Suku Tashilin.
“Akontesimentu ne’e akontese iha oras tuku 10 kalan, maibe motivu problema ne’e tan saida hau mos la hatene hau partisipa iha atividade kultura inagura hau nia uma lisan Leo Aisal ne’ebe hau ho familia sira tuur iha uma lisan ne’e, atividade inagura uma lisan ne’e la halo festa boot ida maibe halo simplest deit, oinsa ho familia sira ne’ebe durante halo uma ne’e para han hamutuk hotu fahe malu, maibe derepente ami tuur hela iha uma lisan ne’e rona joven nain 4 iha bairo laran halimar game padG sira hakilar dehan ema tuda maibe ema ne’e sira hanoin ninja, hakfodak ho lia fuan ninja ne’e hau mos husi uma laran sai mai liur hateke ba iha estrada joven sira nakonu haree laos ninja maibe joven sira Aldeia Bora Ikun mai halo asaltu ho fatuk tuda alin sira iha joven Tashilin ho ida ne’e maka joven sira tuda malu hodi harahun uma, motizada no kios rua inklui joven ida hetan grave tanba ema baku uza besi no ida seluk hetan kanek kaman” informa xefe Suku Tashilin Martinho Magno nudar mos vitima konta konta kronolojia ba jornalista RCCT iha Suku Tashilin Tersa (30/05).
Xefe suku nudar Vitima ba konfrontu ida ne’e haktuir ho konfrontu ida iha Segunda (29/05) kalan oras tuku 10, ba sasan ne’ebe sira mai estraga maka hanesan komunidade nia uma hamutuk 8, motorizada 5, komunidade ninia sasan kios ninian, kadeira, meja iha ema nia uma halo rahun hotu inklui hau (xefe suku) nia motor estadu nian mos sira baku rahun hotu.
Xefe suku ho matanben konta katak kios alin nian mos sira baku rahun hotu hanesan Jelena, vidru ne’ebe rai sasan kios nian ne’e mos rahun no foti sai biscuit no sigaru balun.
Enkuantu vitima Joana dos Reis klarifika ba membru polisia sira katak bainhira rona uma sorin tarutu nia parte sai husi uma laran mai iha liu hodi entrega an ba sira se imi brani ta’a mos hau labele estraga uma sira.
“Bainhira rona kalen tarutu hau sai mai entrega hau nia isin lolon tomak ba sira atu lori katana ta’a, depois joven sira ne’ebe mai asalta ne’e dehan nusa ta’a o ladiak, hau hatan ba sira ta’a ba keta imi ta’a feto la tama karik, depois hau loke lampu telefoni nian leno ba iha sira nia oin depois sira dehan mau katak ferik o hamate telefoni ladiak ka” vitima Joana dos Reis konta.
Nia afirma iha akontesimentu sira mai hakilar dehan hotu-hotu hamate ahi, ema hotu hamate duni ahi iha branda no uma hotu kedas sira lao grupu mai asaltu ne’e lao ho deit sira nia telefoni maka hodi harahun kios, ema nia uma no motorizada no baku joven iha Tashilin ne’e ida hetan grave agora baixa hela iha ospital Referal no ida seluk hetan kanek kaman.(JS)
