Komunikadu Impresa husi Estudante no Intelektual Postu Fatumea

Dili (RCCT)-24-02-21-Nu’udar resprezentante Estudante no Intelektual Postu Fatumea agradese no Orgullu bo’ot ba Ministra saúde no Partes kompetente hotu ninia esforsu tomak, hodi hala’o servisu ho profisionalismo ba povu nia di’ak tomak. Ho ida  ne’e nu’udar representante Estudante no Intelektual postu Fatumea no  Lori populasaun Postu Fatumea nia naran hakarak hato’o ami nia preokupasaun no ejizijensia ba parte relevantes hotu liliu Ministeriu da Saúde atu toma responsabilidade máximu ba moras covid-19 liliu iha postu Fatumea, tanba ne’e preokupasaun no ezijensia sira maka hanesan tuir mai ne’e:

1. Tuir resultadu teste hatudu katak iha Postu Fatumea ema na’in 6 maka pozitivu ba moras Covid-19. Maibe liu ona oras 72 nia laran ekipa ambulansia la ba foti, signifika transmisaun lokal la’o dadaun ona iha Postu Fatumea.
2. Husu ba Ministeriu da Saúde atu tau atensaun emediata hodi tau ambulasia iha Postu Saúde Fatumea, atu nune’e bele tranforma emediatamente ema hirak ne’ebé hetan moras covid-19 ho lalais mai sala izolamentu.
3. Husu ba Ministeriu da Saúde atu tau atensaun máximu ba Vizilansia moras covid-19, no moos presiza tau ekipamentus ba Prevensaun covid-19 ninian iha Postu Saude ho di’ak.
4. Husu ba partes kompetentes sira atu toma responsabilidade ba populasaun sira nia nesesidades bázikus sira, tamba tuir ita hotu hatene katak oras ne’e dadaun foos kada saka ida iha Postu Fatumea folin $17.00 por saka.
5. Oinsa partes kompatente sira nia haree se wainhira suspende totalmente populasaun sira nia atividade inklui negosiante sira nia negosiu. Tuir ita hatene katak batar de’it oras ne’e dadaun seidauk isin oinsa Populasaun sira bele responde ba nesesidade báziku.
6. Husu moos ba ministériu Interior atu harii tan postu balun ba F-FDL no PNTL atu bele apoiu siguransa iha Postu Fatumea

Husi  asuntu hirak ne’e atu konklui de’it katak:

•  Husu  ba ministeriu da saúde Atu hatudu nafatin responsabilidade no profisionalismo hodi bele halo prevensaun ba moras covid-19
• Husu moos ba parte kompatente atu toma responsabilidade emediata ba populasaun Fatumea hotu ninia nenesidades bázikus sira.
• Husu ba inan aman ka populasaun hotu iha postu Fatumea atu kumpri nafatin regulamentu husi partre saude ninian, hanesan mantein distansia sosial, uza maskra no fase liman ho sabasaun husi oras ba oras.

Portavoz

Rui de Fátima Amaral