Covalima (RCCT) 15-12-23–Hafoin akontese udan bo’ot iha kinta kalan ne’e rezulta be tama uma komunidade nian iha suku suai loron kuaza uma kain 20. Kauza husi be tama kominidade nia ne’e mai husi kompanya joni z nebe ateru be dalan antigu besik iha komunidade nia uma.
Komunidade vitima Jorge Manuel de Jesus hato’o sira nia preokupasaun katak kompaña mak taka be dale hodi udan mai be labele suli tun ba tasi, nune’e intupidu hod tama fali ba komunidade nia sira nia uma.
“Be ne’e lolos labele akontese hanesan horeru kalan ne’e, maibe iha kompaña ida ateru tia be dalan, uluk iha tempu avo sira nian iha nanis ona, maibe kompaña ne’e taka mate be dalan ne’e, horkalan be sa’e hotu ami komunidade familia 20 nia uma, be taka mate ona sai ba tasi ladi’ak ona, maka be ne’e fila fali sahe ba rai sira ne’ebé uluk be la to’o, orsida kalan udan tan karik, hein tama tan ba ami nia uma deit, horkalan mak foin primeiru vez, karik kompaña mak la dudu be dalan ne’e maka be sei nalihun nafatin, karik orsida kalan mak udan nafatin, automatikamente be tama ona uma laran.” Katak Reprezentante Komunidade Uma kain 20 iha suai loro, Jorge Manuel de Jesus ba RCCT.
Jorge Manuel de Jesus Reprezenta Komunidade Kuaze Uma Kain Rua nulu, ejiji ba kompaña Joni Z atu ke’e fila fali be dalan ne’e ateru ona, para bele lable suli tama komunidade nia uma.
“Ami nia Ejijensia mak ne’e, Husu ba kompana Joni Z, para loke fali be dalan ida ne’ebé nia taka mate ne’e, para be ne’e hodi liu, ami la husu buat seluk, ami husu deit para kompaña loke fali be dalan ne’e, tanba be dalan ne’e uluk avo sira tempu iha nanis ona, ami husu kompaña loke fali be dalan ida ne’e, ami nia ejinesia mak ida ne’e deit” Tenik Jorge
Entretantu to’o notisia ne’e hatun RCCT seidauk halo konfirmasaun husi kompaña joni Z nain.
Maibe ekipa nafatin sei buka informasaun husi kompaña na’in hodi fo deklarasaun relasiona ho ejijensia komunidade nian ne’e.
Jornalista : Julio soares
Editor : Chamot Nahac
