Covalima (RCCT) Relasiona ho dezentendimento nebe mosu iha Loron Sabado liu ba (17-04-21) entre ekipa vizilansia ho Estudante sira nebe hamosu Oknum /PNTL aplika asaun brutalizmu no rega Gas Lakrimozenio ba Estudante sira iha Kuarentina Aeroportu Kay Rala Xanana Gusmão iha Munisipio Covalima, Juventude, Juventude, veteranu sira iha Tilomar no familia husi estudantes sira konsidera hahalok ne’e kontra konstituisaun RDTL Artigo 30 to’o Artigo 33.
Nune’e Familia husi Estudantes, komunidade, Joventude hamutuk ho Veteranus iha Posto Administrativu Tilomar husu ba Komandante Jeral PNTL Sr. Faustino da Costa, atu bolu atensaun ba pessoal Seguransa ou Oknum/PNTL nebe maka halo agresaun físika no rega Gas Lakrimozenio ba Estudante sira iha fatin Kuarentena, tanba ne’e asaun sira nebe maka Oknum PNTL pratika ne’e konsidera aktus nebe maka kontra konstituisaun RDTL iha Artigu 30 to’o Artigo 33.
“ Ami husu ba Sr. Faustino da Costa hanesan Comando Geral PNTL iha Nasaun ida ne’e, atu bolu pessoal seguransa ou Oknum/PNTL nebe maka halo agresaun fisika no rega Gas Lakrimozenio ba ami nia maluk estudante sira iha Kuarentina Aeroportu Suai, tanba ita hotu hatene katak Timor-Leste adopta ba Estado de Direito Demokratiku, katak Estado nebe maka fundamental deit ho normas juridikus, Asaun sira nebe maka Oknum/ Pessoal PNTL Covalima pratika ne’e, ami konsidera aktus nebe maka kontra ita nia konstituissaun RDTL iha Artigo 30 to’o 33 iha nebe Proteje hela Sidadaun sira nia Direito ba asaun krime nian ” Porta Voz Charles Dao Jawa dehan iha Konferensia Imprensa iha Sede Suco Maudemu, Segunda (19-04-21).
Iha liu husi Konfrensia Imprensa ne’e, Familia husi Estudantes, komunidade, Joventude hamutuk ho Veteranus iha Posto Administrativu Tilomar husu mos ba polisia nasional servisu investigasaun kriminal (PNSIK) no Polisia Militar (PM) atu halo investigasaun ba oknum PNTL no F-FDTL nebe halo asaun Brutalizmu hasoru estudante sira iha Kuarentena Airportu Suai
Jornalista : Tynho Gusmão
Editor : Chamot Nahac
