Covalima (RCCT) 20-04-21 Relasiona ho dezentendimentu nebe mosu entre Estudante no Ekipa Vizilansia iha Loron Sabado liu ba (17-04) nebe mak hamosu asaun brutalizmu husi Oknum F-FDTL tebe hasoru estudante pasiente Covid-19 nain ida no mos Membro Polisia rega gas Lakrimozeniu hasoru estudante sira iha Kuarentena Airportu Xanana Gusmão, Tanba ne’e komunidade no Jovemtude hamutuk ho Veteranus sira iha Posto Administrativu Tilomar lamenta ho attitude Brutal nebe Pesoal Siguransa sira Pratika.
Ho ida ne’e Liu husi Konfrensia Imprensa Komunidade hamutuk ho Veteranus iha Posto Administrativu Tilomar, husu ba Provedoria Direitus Humanus no Justiça (PDHJ) atu toma medida tuir lei numeru (7/2004) no Deklarasaun Universal Direitus Humanus (DUDH) ba asaun nebe maka Oknum PNTL ho F-FDTL pratika iha kuaretina nebe konsidera Viola Direitus Humanus.
“ Ami mos husu ba Provedoria Direitus Husmanos no Justça (PDHJ) atu toma medida tuir lei Numero (7/2004) no Deklarasaun Universal Direitus Humanos (DUDH) ba asaun nebe maka Oknum PNTL no F-FDTL pratika iha Kuarentina Aeroportu Suai ho Viola Direitus Humanos, nebe maka iha Konstituisaun RDTL iha Artigo 1,Numeru 1, nebe maka hateten katak, respeita dignidade ema ida-idak nian, no artigo 30 to’o artigo 33 iha nebe proteje hela Sidadaun sira nia direito ba asaun krime nian ” Dehan Portavos Charles Dao Jawa liu husi Konferensia imprensa iha Sede Suco Maudemu Postu Tilomar (19-04-21)
Enkuanto Konferensia imprensa ne’e halo iha Sede Suco Maudemo Postu Administrativo Tilomar, no iha Konferensia Imprensa ne’e Partisipa husi Komunidade no Jovemtude inklui Representante Veteranus iha Postu Tilomar.
Jornalista : Tynho Gusmão
Editor : Chamot Nahac
