Covalima (RCCT) 24-01-24—Komunidade iha Suku Labarai, Postu Administrativu Suai, hamutuk ho Organizasaun Laos Governu nian, Belun no autoridade iha Munisipiu Covalima kuda ai Parapa iha Wee hasan, Lagoa We’e Kaduak.

Xefe Grupu Haburas We’e Kaduak, Antonio de Andrade dehan komunidade mak hasai osan rasik hodi sosa fini (ai parapa Musan) ho folin kilograma ida dolares amerikanu hat ($ 4.00).

“Bibit ne’e ami sosa iha Suku Beko kada kilo grama ida $ 4.00, depois maka ami mai hakiak, hakiak ne’e primeiru ami tau rai iha polibek depois tau bibit ba selama fulan 6 nia laran ami hakiak ne’e mak ohin loron nia rezultadu ita hotu mai kuda ona ne’e” dehan Xefe Grupu Haburas We’e Kaduak, Antonio de Andrade ba jornalista sira iha Lagoa We’e Kaduak.

Jestor Programa Mitikasaun no Adaptasaun Mudansa Klimatika Iha ONG Belun, Maria Fatima Sara, hatete molok kudan ai parapa iha lagoa wekaduak, maibe molok ne’e ONG Belun hamotuk ho Ministeriu Agrikultura fasilita ona formasaun ba komunidade sira konaba oinsa atu hakiak fini ai parapa ho d’iak.

“Ohin tempu ida ne’ebé maka ho kounidade iha Suku Labarai hamutuk hodi kuda ai parapa iha area Lagoa We’e Kaduak Labarai nian e’ebé ho total ai parapa hamutuk hun 1.500 no prosesu inisiu produs fini ida ne’e husi komunidade Labarai rasik, e’ebé antes atu kuda ida ne’e sei hetan formasaun husi parte Floresta no parte Agrikultura Munisipiu Covalima nian fasilita formasaun ba sira oinsa atu kuda ai parapa no oinsa atu kuda hortikultura iha Suku Labarai, depois de formasaun maka sira prepara fini e’ebé hetan apoiu fini husi Beko no Suai-Loro hodi fo deit ai parapa musan, maibe komunidade Labarai maka hahu husi kuda preparasaun pilibek, preparasaun fatin ne’e kuaze han tempu fulan tolu” nia dehan.

Pontu Fokal Ambiente Munisipiu Covalima, Domingos Barreto Goveia Leite “Doser” agradese ba komunidade Labarai ne’ebé iha hanoin di’ak konaba meiu ambiente, hodi hakiak rasik fini ai parapa. Hodi bele kuda ona iha Lagoa We’e Kaduak.

“Ita agradese tebes komunidade iha Suku Labarai e’ebé sira kria kuda ai horis para atu nune’e aban bain rua labele afeita ba komunidade nia moris, nune’e mos asegura ai horis e’ebé ohin loron sira kuda iha ne’e para atu satan netik laloran e’ebé atu mai tanba buat sira ai parapa ne’e objetivu laos ida deit, ida mos atu satan, ida mos atu fo fatin ba animal boek ka ikan no kadiuk sira moris iha bee laran bele halimar ba nune’e mos erosaun e’ebé tun husi foho mai nia bele para hotu iha ne’e” nia hatete.

Reprezentante Administrador Munisipiu Covalima, Tomas Gomes, husu ba komunidade hotu atu kuidadu no tau matan ba ai parapa ne’ebé kuda ona iha Lagoa wekaduak.

“Na’in ba ai parapa iha fatin ida ne’e espesial liu ne’e ba ita komunidade Suku Labarai, juventude hotu, nai ama adat sira hotu ita tenke kolabora servisu hamutuk asegura ai parapa e’ebé kuda, tan saida ONG Belun organiza atividade ida hanesan ne’e laos sira nia osan rasik, osdan ne’e nasaun nian sira husu iha governu depois governu aloka osan ba sira tanba sira nia inisiativu diak ne’e mak atividade ida e’e ita realiza” nia informa.

Enkuantu iha atividade kuada ai parapa iha Lagoa We’e Kaduak Labarai ne’e inisia husi komunidade Labarai no hasai osan rasik husi hodi sosa fini ai parapa husi Suku Beko no mos hetan formasaun husi husi parte governu liu husi Ministeriu Agrikultura no Peska no ONG Belun.

Jornalista : Julio Salinas

Editor       : Chamot Nahac