Covalima (RCCT) 16-02-24-Xefe Aldeia Busakukun Januario Amaral do Carmo lamenta ho servisu Eletrisidade Timor Leste, Empreza Publiku (EDTL,Ep) iha Covalima tan jere liña eletrisidade ba komunidade sira iha area tetuk hahu husi sorin suku debos postu administrative suai hanesan ho postu administrativu, fatumea, fohorem, no postu TIlomar sorin iha partense tetuk tanba durante mosu fallansu iha fatumea ka Fohorem, eletrisidade mate hahu kedas husi Aldeia Ahi narai suku debos ba to’o Postu Fatumea.
Tan ne’e Januario Amaral do Carmo husu ba EDTL Covalima atu toma atensaun hodi buka solusaun para mosu problema iha fatumea ka fohorem inklui iha tilomar foho, labele fo impaktu ba eletrisidade mate iha area kapital Covalima, liu liu iha Aldeia sira ne’ebe hola parte iha suku debos postu administrativu suai.
“Husu ba EDTL toma atensaun liu ba lina Eletrisidade area husi ESGP ba to iha foho fatumea, Tilomar karik iha problema buka solusaun atu labele halo mate lakan eletrisidade ne’ebé husu nafatin uza maneira saida maka bele hadia atu nune’e komunidade sira mak labele infrenta problema atu uza maneira ida nebe ahi mate iha tilomar, Fohorem karik atu parte mai hosi suku debus laran ho husi tafara mai ne’e ahi labele mate atu nune’e ita uza maneira oinsa liu husi teknika ida husi EDTL sira atu bele rezove ida ne tanba iha komunidade barak uza Zeleras, iha kios sira ne’e pois telivisaun ne’e ahi mate lakan estraga vendedor sira nia sasan iha kios” Xefe Aldeia Busakukun Januario Amaral do Carmo Lamenta.
Relasiona ho preokupasaun ne’e maka Xefe Unidade Energia Eletrisidade iha Munisipiu Covalima Anorito Mendonça, klarifika katak ligasaun liña eletrisidade hahu husi Aldeia Ahi Narai Suku Debos Postu Administrativu Suai ba to’o kedas Fatumea, uja hamotuk koneksaun liña ka vider ida deit tanba ne’e mak wainhira akontese problema ruma iha postu fatumea, fohorem no tilomar fo impaktu ba ahi mate mai to’o area suai ahinarai suku debos no sukabi laran suku suai loro, Postu Administrativu Suai.
“hahu husi Aldeia ahinarai, suka bilaran tesik ba to’o Tilomar, fohorem, fatumea sira ne’e kuandu mate ona entaun sira ne’e mate hotu kedas ne’e, tanba sira ne’e fidel 4 kuandu ganguan iha foho sira ne’e mate hotu mai to’o suka bilaran ne’e sira fidel 4 kuandu ahi mate ne’e kauza husi anin baku kabu ne’e bele konslet mai kedas iha be subesesaun ne’e lansun mate parte balu ami bolu isolator han kalo bocor ne’e la’os trip kedas ne’e mate tanba sira ne’e bolu fidel ida deit” Xefe Unidade EDTL,Ep Munisipiu Covalima Anorito Mendonça.
Maske nune’e Xefe Unidade EDTL,Ep iha Munisipiu Covalima Anorito Mendonça, deklara sei hamotuk ho ekipa tekniku sira, esforsu hodi fo solusaun ba kauza hirak ne’ebe fo impaktu bebeik ba eletrisidade mate. Nune’e nia mos husi ba komunidade atu halo koperasaun di’ak ho EDTL nune’e bele asegura fasilidade sira iha terenu.
“iha ne’e servisu teknik loron loron ami nia serrbisu mak ida ne’e ami hakarak hare nafatin problema ida hanesan ne;e ami nia servsu ami tenki ba atende nafatin ba ita nia komunidade sira nia prekupasaun ida ne’e, ne’ebé husu ba ita nia komunidade sira ou joven karik ita tenke kopera no kontribui ba area eletrisidade tanba eletrisidade nemak fo naroman ba ita hotu” Tenik Nia.
Entretnatu Xefe Unidade EDTL, Ep iha Munisipiu Covalima Anorito Mendonça, husu ba komunidade konsumedor eletrisidade sira atu uza enerjia eletrisidade ho responsavelidade tuir nesesidade ne’ebé mak iha.
Jornlista : Moichung
Editor : Chamot Nahac
