Covalima (RCCT) 20-02-24-Komunidade sira iha Postu Administativu Fohorem, lamenta konaba autoridade sira taka portaun, basa bandu komunidade asesu dalan publiku iha resintu Administrasaun Postu ne’ebé halo ligasaun entre aldeia 3, hanesan Aldeia Saduhur, Fatubitik no Aldeia Lo’o Hali ne’ebé babain komunidade sira utiliza hodi asesu ba merkadu, igreja, Eskola no mos asesu ba semiteriu publiku.

Reprezenta Komunidade sira, Xefe Aldeia Sadahur Elisabet Soares, hateten komunidade sira tenki la’o bobar dalan wainhira atu asesu ba merkadu, igreja no mos estudante sira atu ba eskola, alende ne’e difikulta komunidade atu asesu ba semiteriu publiku wanhira iha serimonia vunebre ruma.

“Dalan ba administrasaun taka ne’ebé baihira ami nia oan sira halo movimentu atu ba eskola karik tenke liu husi ai laran ou dalan seluk ne’ebé dok husi eskola no baihira atu halo movimentu ba igreja ami tenke liu husi dalan seluk no baihira komunidade balu hetan mate labele Asesu liu husi dalan publiku maibe buka meus hodi mate isin tenke liu husi dalan seluk ne’ebé dok husi santa krus” Reprezenta Komunidade Aldeia tolu, Elisabet Soares hato’o preokupasaun.

Tanba ne’e, Xefe Aldeia Sadahur husu ba parte kompotente liu liu ba Administrador Postu Fohorem tenki kria kondisaun digno ba komunidade sira no loke fali dalan ne’ebe taka ona atu komunidade sira bele fasil asesu ba fasilidade publiku sira mak partenese iha kapital postu fohorem.

“tuir ami autoridade ho reprezentante komunidade sira hotu hakarak husu ba parte konpatente postu administrativu fohorem tenki kria kondisaun atu nune’e bele loke ona dalan refere tuir ami nia opservasaun ami nafatin la satisfas tanba iha postu mos iha ona siguransa Sivil maibe siguransa sivil sira sei la halao sira nia kanar tuir matadalan ne’ebé sira simu ne’ebé tuir ami nia hakarak nek siguransa sivil nia kanar ne mak atu loke taka portaun karik bele husu ba postu administrativu sira hotu tenke kria kondisaun atu nune loke dalan publiku”Tenik nia.

Hatan ba Perkupasaun ne’e, Administrador Postu Administrativu Fohorem, Delfim Amaral, kompremetidu sei esforsu buka meius atu loke fali portaun ne’ebé sai saseni ba komunidade sira asesu dalan publiku maibe sei disidi iha reuniaun hodi loke fali tuir oras no loron balu deit.

“Ami sei inkontru ho lider lokal sira hotu, xefe suku no xefe aldeia ho Diretór sira hotu, Ha’u sei buka meius ida atu bele loke, maske la masimu atu loke total ba ita nia komunidade maibe loke tuir oras atu bele atende nesesidade ne’ebé sira presiza, ne’e loron feriadu ha’u bele loke ba sira liu ba mai, sabadu ho domingu, dader tuku 8 loke ba estudante sira no mos ita nia funsionaru sira halo movimentu ba mai atu bele liu kona ne’e, iha meudia ami taka, depois loro kraik sira halo movimet. Ha’u fo sai, sei hakotu iha inkontru asembleia, atu bele la’o ho legal” Esplika APA Fohorem Delfim Amaral.

Entrentatu Administrasuan Postu Administrativu Fohorem taka Portaun hodi saseni komunidade sira asesu ba dalan publiku ne’e desizaun koletivu iha mandatu Administrador Postu sesanete nian ne’ebé disidi liu husi inkontru asemblea postu.

Jornalista : Moichung/Julio Salinas

Editor       : Chamot Nahac