Covalima (RCCT) 28-01-25- Tinan kotuk Servisu Eletrisidade Timor-Leste Empreza Publiku (EDTL, E.P) Covalima halibur osan ho montante dolar Amerikanu rihun rua nulu resin ida, atus sia rua nulu resin rua ($ 21,922.00) hatama kofer estadu.

Xefe Unidade Eeletrisidade Timor-Leste Empreza Publiku (EDTL,E.P) Munisipiu Covalima, Anorito Mendonça, hatete osan ho montante $ 21,922.00 EDTL, EP Covalima hetan komunidade utilizador eletrisidade ho tipe mono no three fase ba kategoria domestik, komersial, sosial no mos edifisiu publiku governu rasik durante ne’e uza enerjia eletrisidade.

“Reseitas ne’ebé ami hetan liu husi pagamentu mono fase mai husi tipu kategoria ne’ebé iha hanesan domestiku hetan osan ho montante $ 10, 575.00, komersial $ 1,203.00, sosial ne’e parte igreja ne’ebé durante tinan ida sira mai rejistu hodi selu osan hamutuk $ 72 depois ba iha governu durante tinan ida sira mai rejistu osan hamutuk $ 972, depois halai ba pagamentu three fase nian durante tinan tomak ida parte  komersial hatama osan ho montante $ 6, 885.50, sosial laiha, ba there fase nian governu hetan $ 964,50, no ba trafo spesial hamutuk rua nia rekolla reseita $1, 250.00, tan ne’e total ba tinan ida nia laran 2024 nian konsege rekolla reseitas husi Munisipiu Covalima hatama ba kofer estadu ho montante $ 21,922.00” nia dehan.

Nia haktuir  husi reseitas ne’e kliente sira foti resivu husi EDTL, E.P covalima hodi selu direta Banku.

Lee tan : https://www.rcct.tl/anorito-eletrisidade-mate-lakan-iha-covalima-kauza-husi-isolator-fuga-no-sei-uza-lina-antigu/

“Reseitas ne’ebé rekolla iha Munisipiu Covalima kliente liliu ba iha parte nova ligasaun nian mai hato’o iha EDTI, EP depois sira foti resivu iha ne’e no sira lori ba selu direita iha banku ne’eba, depois sira selu hotu lori resivu mai hatudu hotu parte EDTL prosesa fali material hodi ba monta nova ligasaun” nia esplika.

Total orsan ne’ebé EDTL, E.P rekolla hahu husi fulan Janeiru to’o Dezembru 2024 ho montante $ 21, 922.00 ne’e mai husi parte nova ligasaun ne’ebé kliente sira rejistu iha EDTL, E.P Covalima, maibe konaba prepagu iha komunidade sira nia uma ne’ebé kliente sira sosa pulsa eletrisidade ne’e osan tama direita ba kofer estadu tanba ida ne’e liu husi sistema online.

Maske nune’e, Komunidade sira kontinua preokupa ho eletrisidade iha Munisipiu Covalima ne’eb’e durante Mate-Lakan bebeik. Lee Notisia iha ne’e https://www.rcct.tl/administrador-postu-administrataivu-zumalai-kestiona-eletrisidade-lakan-mate-hahu-kedas-iha-fulan-dezembru-2024/

Jornalista : Julio Salinas

Editor       : Chamot Nahac