Covalima (RCCT) 22-01-25 Adminstrador Postu Zumalai, Alipio Magno Kestiona eletrisidade Iha Zumalai ne’ebé lakan-mate hahu kedas iha fulan dezembru 2024 to’o agora.
Alipio dehan Eletrisiade mate bele fo impaktu komunidade nia sasan elektriniku hanesan , Televizaun, Jelera no mos estraga komunidade sira ne’ebé halo negosio (loke loja) sira nia produtu konjeladu mos hetan estragu.
“Ahi ne’e agora loron-kalan sempre mate hela deit, ne’e afeita hela komunidade sira nia sasan eletronika sira liuliu hanesan sira iha loja sira ne’e faan sasan ayam potong ruma ka sosis ruma” Administrador Postu Administrativu Zumali Alipio Magno, Infoma iha Fatuletu, Kurta (22/01)
Alipio dehan sempre kontaktu ho EDTL.Ep Covalima ligadu ho problema refere hodi konfirma konaba razaun eletrisidade mate, maibe hetan resposnde husi Xefe Unididade EDTL.Ep Covalima-teknikamane sei rezolve fukun ne’ebé fo impaktu ba eletrisidade mate.
“ Kada ahi mate ha’u hanesan autoridade sempre kontaktu sira husu problema iha ne’ebé? ha’u maibe sira nia responde mak ne’e ami sei hare parte ne’eb’e mak ahi mate hanesan ne’e hotu minitu ida rua lakan fila fali, pois lakan oras ida ka rua hanesan ne’e mate fila fali.” Tenik nia.
Entretantu to’o notisia ne’e hatun, Jornalista seidak hetan informasaun konaba asuntu ne’e tanba Xefe Ekipa rasik sei atende servisu balun iha terenu.
Jornalista : Alfredo Barreto
Editor : Chamot Nahac
