Reprezentante Komunidade Aldeia Akar Laran hanesan Veteranu Anotonio Amaral kodigu Lasukat, hatete relasiona no konfrontasaun entre juventude sira ne’e rezulta komunidade sira ne’ebé la sala mak sai vitima tan ne’e hafoin arapende, komunidade tomak iha Aldeia Akar laran disidi simu fali malu ho komunidade aldeia tolu, Mane Ikun, Loro no aldeia Lo’o liu husi dalan ba dame.
“Hori kalan ha’u halo enkontru ho xefe aldeia Akar Laran, ho ansiaun sira hotu, estrutura aldeia, hola desizaun ida katak liu husi sorumutu ne’ebé realiza iha Sede Suku Suai-Loro entre Administrador Postu Administrativu Suai, autoridade seguransam KRAM, xefe suku no komundade Suai Loro tomak, komunidade iha Aldeia Akar Laran prontu simu dame no haluha ona buat ne’ebé maka foin lalais akontese liu ba ne’e, problema ne’e mosu mai husi jogu bola bainhira iha kampu laran jogador sira monu la hakalma ema jogador sira monu tau malu maibe komunidade sira ne’ebé mai asiste jogu ne’e tama hotu hodi hamosu problema bo’ot iha ne’eba, rezultadu hatudu sira husi Akar Laran mos kanek, Mane Iku mos kanek, lakleur fali maluk sira husi Suai-Loro ne’e ba fa’an ikan iha merkadu grupu deskonesidu halo asaltu fali ba maluk sira ne’ebé lahatene buat ida maka sai vitima, atu hatene loos ba se, baku hotu hodi hadau ema nia ikan sira ne’e, ho aktu sira ne’e hotu lakohi atu atu povu sai vitima ba ema nia hahalok komunidade iha Akar Laran hili dalan ida maka atu simu malu ho dame” informa ba jornalista Reprezentante Komunidade Aldeia Akar Laran hanesan Veteranu Anotonio Amaral kogiku Lasukat, hafoin partisipa iha sorumutu ne’ebé ho tema hametin, haburas relasaun familia, kultura hodi hapara asaun krime no reasaun konflitu ne’ebé realiza iha Sede Suku Suai-Loro, Sabadu (23/12/2023).
“Ha’u agradese ba alin sira husi Aldeia Akar Laran tanba prontu ona atu hanoin ba asaun dame, ida ne’e mak dala ruma ita presija, nudar veteranu poder ba suku suku, poder ba aldeia ida ne’e mak ita presija veteranu nia sevisu mak halo ita ukun an, ukun an ne’e mak ita hamosu buat kintu kantu oi-oin to’o polisia mos ita iha, iha para atu halo saida, atu atua malu bainhira mosu konflitu ruma, iha biban ne’e Ha’u hakarak hatete deit ita mesak timor oan, ita mesak Suku Suai-Loro oan hakarak hatete prega lia fuan ne’e iha ema ida-idak nia kakutak tantu ema beik, matenek, ferik katuas, ema ki’ik ka ema bo’ot katak ida-idak tenke kurize nia an halo buat ida hanesan ne’e diak ka ladiak” Maubere dehan
“Hahalok balu ne’ebé maka paraese kalo ita atravesa ona, ne’ebé liu husi adventu ne’e, ita atu bele tu’ur hamutuk ko’alia para depois ita bele resolve, problema balu foin lalais joven husi Akar Laran ho Mane Ikun lia fuan maka lakona malu atraves liu husi jogu, ne’ebé atraves liu husi ami nia tu’ur hamutuk ne’e ko’alia ba malu konsege ita nia veteranu sira rekomenda katak Akar Laran prontu atu tu’ur hamutuk ho Aldeia Mane Ikun, Loro no Lo’o para bele hadame malu, hakotu lia fuan lakona malu iha pasadu” komandante PNTL Covalima Superintendente Polisia Calisto Gonsaza dehan.
Entertantu tuir veteranu Antonio Amaral Kodiku Lasukat katak komunidade tantu juventude hotu iha Aldeia Akar Laran prontu ona atu dame liu husi tara bandu atu nune’e ba futuru se maka komete fali problema ruma iha iha suku laran tenke sansaun ida ne’ebé todan ba nia hanesan kaer karau, ho osan montante dolar Amerikanu rihun ida ou liu atu nune’e ba futuru ema tauk labele halo tan.
Jornalista : Julio Salinas
Editor : Chamot Nahac
