COVALIMA RCCT (08-03-2023), liu husi komemorasaun loron mundial feto Prezidente Asosiasaun Feto Munisipiu Covalima, Maria Fatima fo parabens ba feto maluk sira iha Munisípiu Covalima.
“Hakarak atu hato’o deit ami nia mensajem ba kolega feto sira hotu iha mundu espesial ba feto maluk sira Munisípiu Covalima hakarak atu hato’o ami votus parabens, parabens, parabens ba loron feto mundu nian espesial ba feto Covalima” deklara Prezidente Asosiasaun Feto Munisipiu Covalima, Maria Fatima ba jornalista sira hafoin partisipa serimonia selebrasaun loron mundial feto ne’ebe organiza husi World Vision ne’ebe hala’o iha salaun Administrasaun Munisípiu Covalima, Kuarta (08/03).
Atual Xefe Suku Maudemo ne’e afirma iha loron espesial ida ne’e presija atu hadi’a no halo liña kordenasaun entre feto no mane haree liliu ba iha parte serbisu nian atu nune’e hodi bele hala’o dezenvolvimentu iha rai ida ne’e bele la’o ho diak.
“Ita tenke halo liña kordenasaun entre feto no mane haree liliu iha parte serbisu nian, nune’e atu ita hala’o dezenvolvimentu karik feto no mane presija tebes atu serbisu hamutuk hodi hala’o dezenvolvimentu liliu iha ita nia rai Covalima” nia haktuir.
Reprezentante Juventude Feto Covalima, Marciana Vitoria Moniz, sente orgulhu no kontente tanba liu husi seoebrasaun loron mundial feto bele hafanun fila fali feto maluk sira hotu katak fero mos iha direitu atu bele hamrik iha oin.
“Hau husi Munisípiu Covalima nia oan rasik, nudar reprezentante feto maluk juventude ninian, hau sente orgulhu no kontente ba.loron ida ohin ne’e, tanba bele hafanun fila fali ami nia fetoaluk sira, tanba barak maka dehan feto laiha direitu maibe loron ohin hafanun fila fali katak loron ida ohin ne’e feto mos iha direitu tebes atu bele hamrik iha oin” nia hakotu.(JS)
