COVALIMA (RCCT) 19-05-25-Sarani hotu atu mantein unidade no paz hodi dezenvolve estadu Timor Leste ne’ebé prosperu iha futuru. Padre Yosep Vong hatete mensajen ne’e, wainhira prejidi misa agradesementu hodi selebra komemorasaun loron Independensia Timor Leste ba dala XXIII iha Igreja Nossa Senhora de Fatima Suai (19/05).
Amo selebrante misa agradesementu 20 de Maiu 2025 ne’e dehan liu husi erois no martires sira nia luta no sakrifisiu mak ohin hetan independensia, tanba ne’e sarani hotu tenki iha resposavelidade atu mantein paz hodi hametin unidade no kontribui ba dezenvolvimentu estadu Timor Leste partikulamente Munisipiu Covalima.
“Ha’u husu ba Ita hotu atu hadomi malu no respeita malu, tamba Liu husi sira nia luta, sakrifika an mak ohin loron hetan independensia ida ne’e” Padre Padre Yosep Vong, dehan.
sorin seluk Prezidenti Autoridade Munisipiu Covalima Miguel Armada Cardoso (Razão) dehan komemorasaun 20 de Maiu atu hanoin hikas erio no martires sira fornese sira nia vida ho sakrifika iha luta ba hetan Timor Leste nia Independensia.
“Ita hatene katak ita nia matebian sira fo sira nia an tomak hodi sosa independensia ida ne’e ho ran ruin no matan ben tomak, tanba ida ne’e mak loron ida ne’e importante tebes ita selebra. Komunidade sira, intelektual sira, parte sira hotu no mos funsionariu sira hotu atu bele partisipa iha loron espesial ida ne’e.” Prezidente Autoridade Munisipiu Covalima, Miguel Armada Cardoso (Razão) dehan.
Hafoin remata misa agradesimentu iha Igreja Suai, Autoridade sira hamutuk ho komunidade kontinua ho prosesaun lori ai funan no lolon ba tau iha monument masakre setembru negro suai hodi fo omenazen ba erois sira ne’ebé sakrifika an iha luta ba Independensia Timor Leste.
Jornalista : Alfredo Barreto
Editor : Chamot Nahac
