Covalima (RCCT)-05-06-23-komando Polisua Nasional Timor-Leste (PNTL) Munisípiu Covalima ne’ebe lidera husi Komandante Polisia Munisipiu Covalima, Superientendente Polisia Basilio de Jesus, ho nia membru tomak inklui apoiu husi Bombeiros Covalima no joven sira husi Suku Tashilin hala’o limpeza iha auto estrada area Zumalai.
Komandante PNTL Munisipiu Covalima Superintendente Polisia Basilio de Jesus, objetivu husi limpeza iha auto estrada tanba fatin ne’ebe joven deskonesidu balun halo asaun asaltu ba ema ne’ebe halo movimentu liu iha auto estrada.
“Ohin ita hahu halo limpeza iha iha auto estrad hahu husinkilometru 30 to’o kilometru 32 ne’e fatin ne’ebe maka sai risku ba joven deskonesidu sira halo asaun asaltu, mai ameasa ema depois hadau ema nia sasan osan no buat sira seluk bainhira ema uza motorizada no kereta halo movimentu liu husi auto estrada” informa Komandante PNTL Munisípiu Covalima Superintendente Polisia Basilio de Jesus, hafoin halo brifing ba membru sira molok hahu limpeza iha auto estrada parte area Suku Tashilin, Postu Administrativu Zumalai Segunda (05/06).
Komandante dehan pasu prevensaun maka primeiru halo ona Patrhulamentu vizibilidade husi loron to’o kalan ida ne’e bele hamate, hakloot espasu husi joven deskonesidu balu ne’ebe sempre halo asaun ilegal sira auto estrada.
Ba segundu pasu komando munisipiu foti maka hanesan komandante munisipiu atu halo prevensaun ba aktu sira ne’e, tanba ne’e ohin hotu-hotu mai atu tesi ai horis sira ne’ebe moris boot ona iha iha auto estrada ninin.
Komandante dehan joven deskonesidu sira aproveita ai hun sira, toba hein hela iha ai Mahon sira bainhira ema halo movimentu ho motorizada no kareta sira hapara tiha halo pasa revista hodi halo asaun balu ne’ebe la devia akontese sai ameasadu boot ida ba movimentu Suai-Dili, Dili-Suai.
“Saida maka ita tenke halo, ita ohin tesi ai sira ne’e, hetan apoiu makina sensor rua husi Bombeiros, sensor ida husi Suku Labarai no ida husi Zumalai ita serbisu ekipa tanba ne’e ohin ita serbisu husi fatin ida ne’e ba to’o iha ne’eba ai sira ne’e ita tesi sai hotu” komandante informa.
