Covalima (RCCT) 30-01-24-Komandante Polisia Nasional Timor-Leste (PNTL) Munisipiu Covalima Superientendente Polisia, Calisto Gonzaga, rekuñese kilat manu (senapan angin) sirkula barak iha area juridiku Covalima ne’e impaktu husi menus rekursu atu halo kontrolu iha area fronteira hodi minimiza movimentasaun ilegal.
Komandante Polisia Nasional Timor-Leste (PNTL) Munisipiu Covalima ne’e rekuñese konaba informsaun husi servisu meiu ambiente covalima konaba Kilat Manu sikula barak iha area juridiku Covalima.
“Loos duni kilat sira ne’e la’os foin mak sirkula maibe kleur ona, ita tenta kaer ita lori ba partisipasaun iha Ministeriu Publiku to’o tribunal, mais material ida ne’e fasil tama beibeik atraves ho ilisitu iha area ne’ebé maka ita falta rekursu para atu kontrola, dala ruma mai kalan, dala ruma, ita sai sira tama, tanba kilat sira ne’e konsumidor barak maka iha area Munisipiu Vikeke, Manufahi no mos Munisipiu Covalima rasik fasil loos, ha’u fiar katak maluk sira husi ambiente informa ne’e loos maibe ita tenta para atu servisu hamutuk para rekolla em prinsipiu material ida ne’e ita nia lei proibidu laiha ema ida ne’ebé maka atu utiliza presaun de arma ida ne’e depois hodi estraga meiu ambiente ita nia balada fuik sira, ida ne’e proibidu” informa Komandante PNTL Munisipiu Covalima Superientendente Polisia, Calisto Gonzaga, ba jornalista RCCT iha nia knar fatin Tersa (30/01).
Superientendente Polisia, Calisto Gonzaga, mos esplika konaba presaun de arma nia evaluasaun hahu ona halo produsaun iha avansadu ne’ebé material organiku bele tiru to’o bala 14 inklui ho gas.
“Presaun de arma ne’e tuir evolusaun sira hahu ona halo produsaun ne’ebé maka iha avansadu, ida uza kaliber 4 ne’e presaun ida ne’ebé hanesan tiger sira ne’e manualmente ita bomba, maibe iha produsaun avansadu liu maka kilat ida naran cobra sira ne’e nia hanesan spesis material organiku ne’e mos automatiku semi automatiku, uza makazena ita bele tiru bala to’o 14 liu ba ida ne’e ho gas, sira nia bala ne’e mos bele to’o 4,5 grama ne’ebé ida ne’e hanesan todan uitoan, ne’ebé tiru kona fahi bele mate, animal rusa bele mate animal isin toos sira mate, konserteza ita ema mos bele mate tanba ita isin kulit mihis” Komandante ne’e esplika.
Tanba ne’e Komandante PNTL Munisipiu Covalima Superientendente Polisia, Calisto Gonzaga, husu ba sidadaun Covalima oan hotu atu kopera hamutuk autoridade seguransa, kuandu ema ruma uza armas sira hanesan kilat manu, tenke fo hatene lalais autoridade sira hodi halo kapturasaun ba sidadaun ne’ebé uza armas hirak ne’e.
Lee tan :https://radiosuai.blogspot.com/2024/01/doser-kilat-manu-senapan-angin-barak.html
Jornalista :Julio Salinas
Editor : Chamot Nahac
