“ita tenki hatudu ida nia neitralidade, todan la bele ba iha sorin, Kaman ba iha sorin, ita hanesan aparellu estadu, ita hatudu funsaun, atu garantia eleisaun ida ne’e, hodi hatudu demokratizasaun iha nivel aldeia no suku to’o ba iha nivel parlametu no mos prezidensial, orgaun ida ne’ebé atu garante mak PNTL ho instituisaun sira seluk, hanesna STAE, CNE no mos strutura autoridade munisipiu Covalima hodi hamotuk ho ita to’o postu atu garante eleisaun ida ne’e, mai ho justu, mai ho libre, maibe ho segredu” Komandante PNTL Covalima esplika iha kampu futsal polisiamentu Covalima, Sabado (11/11).

Komandante ne’e dehan destamentu polisia iha sentru votasaun atu asegura no garantia liberdade segredu no justu iha eleisaun suku ba segundu ronde iha munisipiu covalima ne’ebé monu iha loron 13 fulan ne’e.

“Ita nia komunidade fiar ita, tanba ne’e mak ita tau ita nia destamentu iha sentru votasaun para atu asegura hodi garante liberdade, justu no mos segredu ba iha eleisaun xefe suku ba daruak ne’ebé mosnu iha dia 13 fulan novembru 2023” Tenik Komandante Calisto.

Komandante Calisto mos fanun hikas pensamentu membru polisia sira nian konaba regulamentu eleisaun nian ne’ebé hatur ona iha lei numeru 9 tinan 2016 konaba lala’ok eleisaun ba orgaun suku.

“Atu hateten ba kolega sira iha sentru de votasaun, regulamentu mak iha eleisaun ida ne’e mak mak regulasaun ho dekretu lei numeru 9 tinan 2016 konaba lala’ok eleisaun ba xefe suku, importante tebes atu halo intervensaun maka konaba tempu, atu loka ka hahu iha sentru de votasaun iha tuku 9 dader em teritoriu partikularmente iha Munisipiu Covalima, atu termina ne’e iha tuku 3 loro kraik, a naun ser ba eleitor sira ne’ebé mak barak liu maibe forma ona iha kuluna, ida mak bele autoriza mesmu oras liu, maibe ba sira ne’ebé mak tuku3 foin mai, intrevensuan husi sigurasan, husi pesoal STAE iha Suku nian tenki halo prevensaun” Komandante PNTL Covalima Sublina.

Primeiro omen PNTL iha Covalima hasara lia ne’e wainhira lidera formatura jeral ho membru polisia sira ba preparasaun eleisaun orgaun suku segundu ronde ne’ebé sei realiza iha loron 13 fulan novembru tinan ne’e.

Entretantu Komandu PNTL Covalima hala’o formatura jeral hala’o iha kampu futsal polisimentu Covalima iha Santa Rosa Suku Debos, Sabadu fim de semana ne’e.

Jornalista : Julio Soares 

Editor       : Chamot Nahac