Komdante Calisto saran lia dehan sarani nudar katolika simu tenki ho ksolok simu meninu jesus lori paz no dame iha familia, vizinho, aldeia to’o munisipiu.
“Fila ba familia hanesan sarani ita hotu lori hela ita nia kosok oan ne’ebé mai para atu bele festeza selebrasaun Natal ne’e ho familia ne’ebe diak lalika fali hamosu selebrasaun ida ne’e ho konflitu, halo fali asaun krime, tanba ne’e ba sidadaun iha Munisípiu Covalima hodi instituisaun PNTL Covalima ha’u hato’o saudesoens boas festa Santo Natal e ano no one, pelumenus ita bele hetan mudansa prosperidade iha tinan foun hanesan mos iha familia no iha sosiedade, ema hotu-hotutenke simu Natal no tinan foun ida ne’e hanesan selebrasaun fesra familia ida” Komandante PNTL Munisípiu Covalima Superintendente Polisia Calisto Gonzaga saran lia ba jornalista RCCT iha Suku Suai Loro, Sabadu (23/12).
Komandante PNTL Munisípiu Covalima ne’e haktuir, komando Polisia Covalima sei destaka membru sira ba iha igreja parokia 4 no kapela sira ne’ebe partense iha área juridiku Covalima hodi fo seguransa ba misa Natal kalan no tinan foun.
“Ita identifika ona iha tempu Natal nian maka iha igreja sira ne’e, ita iha Covalima iha parokia 4 no mos iha kapela balu ne’ebe iha ita sei koloka ita nia emar sira Pata atu bele tau atensaun maibe la’os polisia deit ba iha suku ba ema hotu-hotu ne’ebe mak ita konta hamutuk ho forsa ita nian tau hamutuk para ita nia komunidade, sarani sira bele ba misa ho diak no fila ho diak to’o iha uma, inklui mos iha ano novo igreja sira ne’e mos ita tau atensaun ba fatin Praia tanba ne’e festa familia dala ruma ema dehan familia ne’e bainbain di’ak liu ita ba tasi ibun tanba ne’e Suai-Loro mos ita identifika ona, iha Salele no Zumalai” komandante informa.
Entertantu komandante munisipiu ne’e husu sidadaun hotu atu festeza loron bo’ot Natal no simu tinan foun ne’e ho paz no dame no hemu tua karik tur iha fatin.
Jornalista : Julio Salinas
Editor : Chamot Nahac
