Komandante Antonio “Mosu Dezintendementu Iha Kuarentena Aeroportu Xanana tanba estudante sira la kolabora di’ak ho parte Saude no Siguransa”

Covalima (RCCT) 19-04-21- Komandante PNTL-Municipio Covalima  Super Intendente Polisia Antonio Maria de Sa hateten relasiona ho dezintendementu nebe  akontese  iha sabadu (17-04) foin lalais iha  Kuarantina Aeroportu Internasional Xanana Gusmão iha Holbelis-Suai tanba Juventude no Estudante sira iha Kuarentena lakohi kolabora  ho parte  mediku husi saude wainhira atu halo evakuasaun ba Pasiente positivu Covid-19 nain ida iha Kuarentena atu hodi transporta Sala Izolamentu.

 “Akontese dezentendementu mosu  ne’e tanba deit la dun kolabora husi ita nia alin juventude liu liu alin estudante na’in atus ida nebe mak hela iha Kuarentena Aeroportu Holbelis, Mediku sira detekta Ema pozitivo nain ida, entaun ekipa Saude sira atu ba foti pasiente pozitivu ne’e, maibe ita nia juventude no estudante sira ne’e ladun  hatudu attitude di’ak hodi kolabora no kopera di’ak ho parte saude sira to’o ikus mai mosu duni dezentendementu iha Kuarentena Airoportu Xanana iha Holbelis ne’eba ” Komandante Antonio Konta.

Super Intendente  Polisia Antonio  Saliente  wainhira mosu dezentendementu entre Ekipa Saude ho Juventude no estudante sira iha Kuarentena Iha Airoportu Holbelis-Suai, Administrador Municipio Covalima telefone kedas ba parte siguransa atu bele tun ba terrenu hodi hakalma dezintendementu ne’e.

 “Komandu PNTL Municipio hetan kontakto husi Diretor Saude no Administrador Municipio Covalima ho ida ne’e forsa rua mos halo kedas ninia papel no misaun no halo kedas prevensaun iha fatin neba, antes mosu dezentendementu ne’e ekipa Saude no seguransa avizu kedas ona ba juventude no estudante sira atu entrega ema nebe pozitivo nain ida ne’e ba parte saude sira lori ba fatin izolamentu hodi nune’e salva nia vida no minimiza daet moras covid 19 ne’e ba ema seluk nebe hela hamutuk iha fatin refere ” Tenik Komandante Antonio.

Notisias Relevante :Mosu Desintendmentu iha fatin Kuarentena iha Airoportu Suai, Polisia Rega Gas Lakrimozenio hasoru estudante

Enkuantu Komandante Polisia Municipio Covalima salienta  antes  atu akontese dezintendementu seguransa no parte mediku sira halo ona meus prevensaun ba estudante sira atu labele mosu problemas ne’e maibe nafatin joven no estudante sira la fiar nafatin hodi halo asaun hasoru parte saude no seguransa sira.

“apela ba juventude no estudante sira  tenke kopera di’ak ho parte saude no seguransa sira  atu nune’e  ita bele minimiza moras covid 19 iha Municipio Covalima ne’e” Nia Hakotu.

Jornalista         : Saturnino Soares & Jose Fareira

Editor               : Chamot Nahac.