Covalima ( RCCT ) 18-03-21 Ernesto de Araujo tinan 65, moris ho kondisaun difisiensia ain (Ain rua tesi hotu) hahu kedas iha tempo okupasaun indonesio iha tinan 1995, Ernesto durante ne’e lao uja dei kadeira roda hodi bele halo movimentu ba mai, no iha Ernesto hela ho nia oan feto faluk Delfina Cardoso idade 42, iha Aldeia Orun Suco Ogues, nebe durante sempre hasoru problema menus ai han liliu iha situasaun pandemia Covid-19.
Tanba ne’e Kuinta feira ohin Ekipa Servisu Covalima Vitoria ho Domin20 (EKSES-COVID20) halo asaun karidade tuir kbit nebe EKSES-COVID20 iha hodi fo apoio umanitaria ba familia kiik nebe komposto husi Ernestu ho nia oan feto faluk Delfina.
” Tuir info ne’ebe mak EKSES-COVID20 rona husi Sr. Alvino konaba susar nebe mak ita nia aman nebe ho kondisaun Difisiente Ernesto de Araujo ho nia oan feto faluk Delfina Cardoso durante ne’e sira hasoru iha sira nia Moris, rona informasaun ne’e EKSES-COVID20 Iha Covalima halo kedas asaun karidade hanesan fo fos saka rua ( 2 ) mina bimoli masa ki’ik sanulu ( 10 ) no Maskra falun rua ba Difisiente ho nia oan feto faluk “ Sekretario EKSES-COVID20 Filial Covalima Damião Amaral, ba RCCT Kuinta Feira (18-03-21)
Relasiona ho apoio nebe mak Ernestu ho nia oan feto hetan husi EKSES-COVID20 filial Covalima, familia kiik ne’e, Ernestu ho nia oan feto fo agradese ba EKSES-COVID20 tamba bele ajuda netik sira nain rua iha tempu susar nia laran ne’e.
” Ami fo gradese barak ba joven sira ne’be mak ohin fo ajuda ona ami fos ho.mina, tamba ne ami husu agradese barak ba sira bia grupo “ Ernesto de Araujo.
Ernestu konfesa ba Jornalista RCCT durante Moris susar tanba ho kondisaun kondisaun ain rua ema tesi iha kedas tempu indonesia no mos Ernesto nia oan feto Delfina nia La’en/katuas oan mate ona, tanba ne’e susar tebes ami atu buka ai han hodi Sustenta sira nia moris .
Nune’e Ernesto husu ba governu atu bele tau matan ba sira nia moris liliu hadia sira nia uma nebe agora ninia kondisaun la diak ona.
” Hau husu ba Nai ulun sira atu ajuda hadi’a netik ami nia uma tanba agora ami nia uma mos at ona, hahan mos la iha oinsa governu bele ajuda ami nain rua ho ha’u nia oan “ dehan Ernesto de Araujo.
Jornalista : Saturnino Soares
Editor : Editor Chamot Nahac.
