COVALIMA (RCCT) 18-12-23—Kolaborador Rejiaun 4 Munisipiu Covalima, Martinho Amaral kodigu “Koba” triste bainhira Vetraanu sira iha Postu Administrativu fohorem la partisipa iha serimonia vunebre ba saudoso Foc Mesac nia isin mate iha semiteriu Publiku fohorem, Segunda loron 18 fulan Dezembru ne’e.
Nune’e Martinho Amaral kodigu “Koba” sai veteranu la’os intensaun ba kada fula forma iha banku hodi simu osan no intrese ba projeitu, Koba mos fo hanoin ba Saudoso nia familia katak halot Saudozu Foc Mesac nia mate isin iha semiteriu Publiku fohorem ne’e Provizoria deit, tanba governu aprova ona osan atu konstrui jardim hodi halot veteranu sira nia isin mate.
“Ohin loron veteranu Fohorem ida mos la mai asiste sente triste osan laiha mos tuir loloos ne’e tenke mai tanba veteranu ne’e uniku uitoan la’os to’o fulan rame-rame ba forma ona iha banku hadau malu tan osan, laos osan proyek para ita hotu rame ba hadau osan, triste Fohorem, laiha buat ida ohin loron ita hotu hamutuk iha ne’e mai hamutuk fo ita nia agradesimentu ba nia, fo ita nia boa viazen, fo adeus ba nia, liu husi biban ida ne’e hakarak apela mos ba familia sira katak ohin ita halot saudoso iha fatin ida ne’e sementara deit tanba ita nia jardim dos herois orsamentu aprova ona tinan 2024 mai ne’e bele halo ona iha Aidantuik, ne’ebe veteranu se deit maka mate ona tenke lori ba hakoi iha ne’eba” nia dehan.
Kolaborador Rejiaun 4 Munisipiu Covalima, Martinho Amaral “Koba” dehan Saudoso Foc Mesak nia luta ne’e uniku tebes la hanesan ho veteranu sira seluk halo tanba iha momentu luta ba ukun rasik an la fasil ba kolker pessoa atu tula Xanana hodi la’o tama sai fatin abrigu hotu.
“Realidade mak ne’e ita mai husi rai sei fila ba rai, ida ne’e tealidade ba ita ne’ebe ohin lokraik ida ne’e ita akompana mai iha ne’e veteranu ida ne’ebe uniku uitoan diferente nia istoria la hanesan ho veteranu sira seluk iha Covalima, tanba iha klandestina ita atu tula Xanana Gusmão kusta la halimar, ne’e milagre, grasa bo’ot ida onra ba ema Fohorem ba Covalima, ne’ebe ita hotu agradese dala barak veteranu sira iha Fohorem la hatene nia istoria tanba nia vida sempre nia iha Dili ne’eba hamutuk ho Amo Sancho ne’ebe halo servisu boot tula Xanana, subar iha nia toba fatin fo ropa, ita veteranu sira nia kontribuisaun la to’o ida ne’e, hau hatete malorek tanba hau servisu iha rejiaun kuadru mos hau la halo buat ida so deit lori kilat tolu ba iha rejiaun Kuatru se maka lori Nu’u Nura ho Perdidu ne’e hau mak halo planu lori netik kilat tolu ba iha rejiaun Kuatru ne’e fabor la hanesan, veteranu la hanesan” Koba konta.
Tan ne’e Kolaborador rejiaun 4 Martinho Amaral “Koba” husu ba veteranu no komunidade Fohorem hotu tenke rekuñese sai ida maka saudoso Foc Mesac halo ba rai ida ne’e molok hetan ukun rasik an iha tempu klandestina.
Jornalista : Julio Salinas
Editor : Chamot Nahac
