Covalima (RCCT) 29-08-23—Komisaun Organizador ba selebrasaun loron Falintil ba dala 48 ne’ebe monu iha loron 20 de augusto no selebra loron konsultasaun popular ba dala 24 monu iha 30 de agusto tinan ida ne’e Covalima selebra ho atividades lubuk ida ne’ebe komisaun prepara ona hanesan marsa saudavel, certame no seluk tan.
Prezidente Komisaun Organizador atual Sekretariu Munisipiu Covalima Francisco de Jesus Alves, hateten atividade feira lubuk ne’ebe komisaun hala’o iha Suku Suai-Loro hodi anima komunidade Covalima ho objetivu selebra loron Falintil ba dala 48 no loron konsultasaun popular.
Prezidente Komisaun Organizador ne’e afirma ho atividades sira ne’ebe lao ne’e maizumenus gastu orsamentu ho montante rihun 7 resin, husi orsamentu ida ne’e maka komisaun fahe ba seksaun sira hotu inklui ba mos mobilizasaun masa ninian, iha biban ne’e mos sekretariu munisipiu husu ba joven sira hanesan future nasaun nian tenke hatene istoria kona ba loron nasional sira ne’e.
Entertantu atividades feira ne’e abertura iha loron 18 fulan Agusto 2023, no orsamentu ba atividades ida ne’e ho montante $ 7.700 resin no ba kada postu administrative hetan orsamentu ho montante $ 750 hodi selebra loron nasional rua refere.
Jornalista JS
Editor CN
