Covalima (RCCT)-16-04-21 Komisaun Jestaun Risku Dezastre Municipio (KJRDM)-Covalima distribui ona Apoio Humanitaria ba Uma kain hamutuk 102 iha Posto Administrativu Zumalai, nebe ba fetado inundasaun maka akontese husi kauza udan bo’ot nebe akontese iha Semana liu ba,
“apoio emerjensia ne’e hanesan kontinuasaun, no ba dahuluk apoio ona komunidade afetado hamutuk uma kain 53 no kontinua ba loron ohin apoio uma kain 49 tanba total uma kain afetado iha Posto Zumalai hamutuk 102.” Informa Coordenador KJRDM-Covalima Dinis Pereira iha Aldeia Webaba Suco Suco Raimea, Sexta Feira ohin.
Enkuanto Cordenador ba Servisu Gestão Risku Desastre Municipio Covalima ne’e salienta, sasan nebe apoio ba komunidade afetado iha tipo rua, maka hanesan Food Item ho Non Food Item.
“ Sasan nebe ohin ami ekipa distribui ba komunidade afetado sira ne’e iha tipo rua, hanesan sasan nebe maka Ai-han no la’os Ai-han, mak hanesan Fos, Sedap, balde Nsst, ” Dinis Hatutan.
Iha fatin hanesan administrador Municipio Covalima Francisco de Andrade enkoraja Xefe Suco sira atu identifika didi’ak komunidade sira ne’e maka afeta ba inundasaun.
“ Xefe Suku Sira tenke tau matan didi’ak ba nia komunidade sira, tenke hare didi’ak komunidade sira nebe maka afeta ba inundasaun atu nune’e sira labele lakon apoio emerjensia ida ne’e ” Administrador Municipio Covalima hakotu.
Iha distribuisaun ne’e Apoio Umanitaria ba Komunidade Vitima Sira ne’e partisipa husi Administrador Covalima no Comandante PNTL Municipio Covalima no mos Coordenador CVTL Filial Covalima.
Jornalista : Tynho Gusmão
Editor : Chamot Nahac
