.png)
Covalima (RCCT) 23-04-24-KDSTO no RHTO iha Covalima hetan apoiu tulun Sentru Solidaridade Sosial Munisipiu Covalima hodi fo apoiu nesesidade baziku ba ema ho difisiensia hamotuk na’in 31 iha Suku Lalawa Postu Administrativu Tilomar.
Reprezentante Diretór Exekutivu KDSTO, Natalia de Jesus Pereira hateten, KDSTO hanesan ONG ida ne’ebé atu tau matan no promove, proteje ema ho difisiensia nia direitu hanesan ho ema sira ne’ebé moris ho kondisaun normal.
“Halo introdusaun itoan ba ONG KDSTO tanba dala barak komunidade sira tantu lider komunitariu sira balun seidauk hatene konaba existensia KDSTO no nia misaun atu halo sa ida? tanba ne’e hakarak fahe informasaun katak Organizasaun naun guvernamental KDSTO hanesan ONG ida hakarak tau matan ba ema ho difisiensia sira iha munisipiu Covalima ho nia k’nar prinsipal ne’e atu promove no proteze direitu ema ho difisiensia sira nian” Natalia esplika.
Xefe Suku Lalawa Zeferino Jesus de Richman, kongratula KDSTO no sentru solidadidade sosial covalima ne’ebé distribui aihan baziku ba ema ho difisiensia sira iha aledeia 6 iha suku lalawa. Nia mos husu ba KDSTO atu nafatin simu dadus husi xefe aldeia sira konaba ema ho difisien ne’ebé seidauk hetan tulun ba nesesidade baziku.
“Ami hato’o agradese wa’in no ami hanesan lider komunitaria ami husu nafatin para atu bele rezista tan tanba iha lista ne’e ami nia komunidade balun maka seidauk tama iha ita bo’ot sira nia lista, ne’e mak husu nafatin ita bo’ot sira karik ami nia konsellu suku sira foti lista no hato’o ba ita bo’ot sira ami husu ho hakraik an ita bo’ot sira simu nafatin lista ne’ebé mak iha” katak Xefe Lalawa.
Reprezentante Ema ho difisiensia, Angelo Alves Ximenes, kontenti ho apoiu ne’ebé KDSTO fo tanba bele ajuda hakman nesesidade uma laran iha tempu badak.
“Kontente tanba ami simu fos mina hosi nai ulun sira mak hanoin ami, ne’e bele ajuda loron ida rua ou liu tan to semana ida, ami hakarak ba oin ne’e la’os hanoin bebeik lae to’o tempu di’ak ida kala ulun sia hanoin ami dehan lori tan fos oan ka mina oan ne tuir bo’ot sira hanoin ami” Angelo espresa.
Benefisiariu hamotuk na’in 31 ne’ebe hetan apoiu husi KDSTO no RHTO ne’e ho tipu difisiensia oi oin, balu Difisiensia Matan, Tilun, Fiziku, Mental, komunikasaun no seluk tan.
Entretantu Benefisiariu sira ne’e mai husi Aldeia 6 mak partense ba Suku lalawa hanesan Aldeia, Ai-oan, Salele bo’ot, halimea bitis , kota foun no tula eduk.
Jornalista: Moichung
Editor : Chamot Nahac
