Covalima (RCCT) 19-12-23—Diretór Executivo Klibur Dezenvolvimentu Sustentavel Timor Oan (KDSTO) Covalima Alfredo do Santos husu ba guvernu atu tau atensaun seriu ba ema ho difisiensia.

Diretór Executivo KDSTO iha Covalima Alfredo do Santos hateten tuir observasaun KDSTO ba ema ho difisensia iha Covalima kontinua moris la dignu no la goza sira nia diretu hanesan ho ema sira ne’ebe moris ho kondisaun normal.

“Ami nafatin husu ba governu atu haree no toma atensaun ida seriu ba ema ho difisiensia, atu dehan deit katak Prezidente Republika sai ezemplu ba iha governante sira, tanba tinan ida ne’e uniku Prezidente Republika maka apoiu ona ema ho difisiensia kuaze fulan hira ona ate agora, mas membru governu ida sei dauk halo apoiu hanesan ne’e ba ema ho didifisiensia sira liliu ema ho difisiensia sira iha Covalima, tuir ami nia observasaun jeral ema difisiensia barak mak sei la moris dignu sei hela iha kotuk sei la goza sira nia direitu hanesan maluk difisiensia sira seluk” Diretór Executivo KDSTO iha Covalima Alfredo do Santos dehan.

Alfredo dehan ba guvernu tenki hala’o k’nar tuir situasaun, proteze ema ho difeisiensia hodi labele husik sira hela iha kotuk.

“hakarak atu kontinua ijiji ba governu tenki hala’o deves no knar hare mos ba situasaun sira ne’e, lebele proteje deit ai horis hodi haluha tiha ema ho difisiensia, proteje tia mos ema la ho difisiensia haluha tiha ami ho difisiensia, ita ratifika konfensaun lubuk ida, konstituisaun RDTL artigu 21 afirma katak sidadaun difisiensia mos iha direto no obrigasaun hanesan ho ema sira seluk” Tenik Alfredo

Nune’e Asesor Prinsipal iha Gabinete Presidenti Republika asuntu sosial, Gaspar Afonso, hateten la tempu ona ema ho difisiensia hetan nafatin diskriminasaun no presaun husi familia no Komunidade sira.

“Ha’u hakarak dehan deit, la tempu ona ema ho difisiensia sira atu halerik, tenki hetan nafatin diskriminasaun, ema ho difisiensia sira nafatin hetan presaun husi sira nia familia, komunidade, vizinu, sosisedade no autoridade lokal, agradese tebes tanba media sira ativu tebes atu kobertura atividade sira hanesan ne’e, ida ita hotu nia kolaborasaun, atu nune’e lian ida ne’e laos ami mesak mak atu kolia maibe ema hotu hodi reforsa malu, tanba asuntu ida ne’e asuntu global” Dehan Gaspar Afonso.

Entretatu Apoiu umanitaria husi gavinete Presidete da republika ba ema ho difisiansia iha Covalima nudar exemplu di’ak ba ba governu ho nia membru sira atu bele banati tuir hodi valirza no hatur ema ho difisiensia iha fatin ne’ebe dignu iha komunidade.

Jornalista : Moichung

Editor : Chamot Nahac