Covalima (RCCT) 14-05-24-Klibur Dezenvolvimentu Sustentavel Timor Oan (KDSTO) Covalima, nudar Organiasaun la’os Governu nian ne’ebé ezisti atu tulun ema ho difisiensia sira, fo nia pozisaun apoiu vitima Sipriano Cardoso, difisiensia matan ne’ebé mak hetan baku to’o liman tohar iha loron 01 fulan maiu 2024, iha aldeia weraba suku beiseuk postu administrativu tilomar.
Diretór KDESTO, Alfredo dos Santos dehan sei reforsa vitima hodi labele dada fila kazu ne’ebe rejista ona iha Ministeriu Publiku Suai.
“ami deklara ami nia pozisaun ida lolos no klaru katak KDESTO mantein nafatin hamutuk ho vitima hodi lori kazu ne’ebé mak iha tuir dalan legal ami sei la ses husi ami nia pozisaun ida ne’e, pesoal ne’ebé halo agresaun fisiku hasoru ami nia maluk Difisiensia matan, ami hakarak kazu ne’e tenke ba oin, ami sei nafatin mantein ho ami nia pozisaun firme iha ami nia desizaun kazu ne’ebé mak prosesa sei la dada fila.” Diretór KDESTO, Alfredo dos Santos Manifesta.
Alfredo mos lasatisfas ho desizaun tribunal Suai nia ne’ebé iha loron 04 fulan maiu ne’e liu husi Julgamentu ba Primeiru Interogatoriu aplika TIR ba arguidu GS ne’ebe diskunfia halo ageresaun fiziku hasoru ema ho difisiensia iha wetaba.
“Hanesan servisu ba asuntu difisiensia ha’u ladun satisfeitu ho desizaun tribunal nian ne’ebé mak aplika fali TIR tanba ida ne’eba ami konsidera katak ida ne’e krime agravadu tanba nia tiru uza armas brankas tiru hakanek joven ne’ebé mak iha entaun ami konsidera katak ida ne’e lolos labele tanba buat ida TIR ne’e nia liu ona loron 15 konta kolega ne’e nia bele bebas fila fali entaun ida ne’e ami la aseita hanesan servisu asuntu ba ema ho difisiensia mos reprezenta DPO ne’ebe ezistse iha munisipiu Covalima” tenik nia.
Entretantu kazu baku tohar ema ho difisiensia ne’e akontese iha loron 01 fulan maiu iha aldeia wetaba, ne’ebé rejulta mos joven mane na’in ida hetan tiru konaba iha kotuk laran borus mai kalilin parte sorin karuk. Nune’e iha loron 04 fulan maiu trubunal distrital suai halo ona julgamentu ba primeiru interogaratoriu, ne’ebe mak Tibunal suai Aplika medida Koasaun Aprezentasaun Periodika ba Aguidu na’in ida no Na’in hat seluk hetan Medida Koasaun Termu Identidade rejidensia (TIR).
Jornalista : Moichung
Editor : Chamot Nahac
