Covalima (RCCT) 23-10-23—Komandate PNTL Covalima Superientendente Polisia, Calisto Gonzaga klarifiaka, Relasiona ho kazu omesidu ne’ebé akontese iha Aldeia Sadahur, Suku Maudemo, Postu Administrativu Tilomar. PNTL Covalima detein ona ema na’in rua ho inisial JC no APC ne’ebé iha ligasaun ho kazu omesidu ne’e hodi detein iha sela Komando Covalima durante oras 72 hodi hein andamentu ba tribunal liu husi Ministeriu publiku.

Iha kazu omesidu ne’e rezulta vitima Rui Amaral Lopes termina nia pregrinasaun moris, vitima nudar estudante finalista iha Eskola Secundaria Geral Publiku Suai ne’ebé foin remata ninia ezama nasional no lokal iha sabado loron 21 foin lalais, maibe konsege simu rezulta Rui fila sedu ba aman maromak nia kadunan santo.

“Los duni iha semana kotuk loron sabadu purvolta de oras tuku 17h30 iha Aldeia Sadahur, Suku Maudemo, Postu Administrativu Tilomar, Munisipiu Covalima akontese krime omesidu, krime ida ne’ebé maka akontese entre sidadaun sira ne’ebé hela iha Postu Administrativu Tilomar, husi kazu ida ne’e rezulta ema ida mate ho naran Rui Amaral Lopes nia sai hanesan finalista iha Eskola Secundaria Geral Publiku Suai, husi akontesimentu ida ne’e mos ita konsege detein ona ema na’in rua ne’ebé iha ligasaun ba akontesimentu oho malu ida ne’e, agora iha hela prosesu andamentu hein katak sei kompleta iha loron tolu oras 72 iha lokraik loron ohin” informa Komandante PNTL Munisipiu Covalima Superientendente Polisia, Calisto Gonzaga ba jornalista sira iha nia servisu fatin Segunda feira ne’e.

Komandante polisia ne’e hatete, motivu husi akontesementu ne’e mosu husi dezentendimentu, baku malu entre joven iha area sadahur, ikus mai rezulta joven ida mate.

“Nia motivu mosu dezentendimentu entre baku malu husi joven sira iha area ne’eba to’o mai fali liga ho organizasaun no fin akontese rezulta vitima Rui Amaral Lopes ne’e mate, prosesu ohin ne’e ita kompleta ba loron tolu ba oras 72 pelumenus lokraik andamentu auto partisipasaun sei ba to’o iha tribunal liu husi Ministeriu Publiku” Komandante dehan.

Komandante Calisto esplika konaba autopsia ba isin mate Vitima Rui Amaral Lopes, mate tanba insidente ida ne’ebé atraves de uza forsa nune’e persija autopsia hodi hetan konesimentu husi mediku sira hanesan akerasaun relsions ho vitima nia mate.

“Matebian horseik domingu meudia ita evekua husi Hospital Referal Suai ba Dili hodi halo prosesu autopsia, loos vitima ne’e mate tanba laos asidente maibe ne’e insidente ida ne’ebé mak atraves uza forsa tan ne’e sai hanesan provas medida ida ne’ebé atu bele klarifika kuandu iha prosesu ne’e tenke iha mos autopsia para doutor ka mediku sira bele fo sira ni konesimentu hanesan akerasaun ba iha prosesu ne’e katak tanba ema ida nia mate ho sona ka. Baku tanba ida ne’e sai hanesan segimentus ida ba prosesu liliu ba iha omesidu” komandante esplika.

Entertantu ho kazu omesidu ne’ebé akontese hodi hakotu estudanete finalista Rui Amaral Lopes nia vida involve suspeotu ho inisial JC ho APC ne’ebé oras ne’e kumpri ona oras 72 iha Sela PNTL Covalima, no sei bolu tan ema na’in rua seluk hanesan inisial BC ho PA, atu bele kompleta ho prosesu no lori ba aprezenta iha tribunal distrital Suai liu husi Ministeriu Publiku, no iha domingu meudia isin mate trasporta kedas husi Hispital Referal Covalima ba nasional hodi hala’o otopsia.

Hafoin remata autopsia iha HNGV, segunda ne’e isin mate Rui Amaral lopes transporta kedas mai Covalima, hodi kontinua ba serimonia vunebre iha Uma Mura Kasabauk

Jornalista : Moy Chung/Julio Salinas

Editor : Chamot Nahac