Covalima (RCCT) 10-05-21 Diretora Apoio Diagnóstica e Trapeótico iha Hospital Referal Suai (HRS), Judith Imaculada klarifika Durante ne’e, Hospital Referal Suai rejista kazu moras nebe aas liu maka Diário no ISPA hamutuk 954.
Diretora ne’e mesiona, kazu ISPA hamutuk 734, no Kazu Diaria hamutuk 220, no husi total ne’e, maioria rekuperado tanba hetan tratamentu iha Hospital Suai
“ Durante ne’e Hospital Referal Suai regista kazu ba moras nebe sa’e maka’as maka Diaria no ISPA, tanba iha ne’e Diaria ne’e hamutuk Atus-rua-ruanulu (220) nomos Kazu ISPA hamutuk atus hitu- tolunulu-resin-ha’at (734), maibe ema sira ne’e rekoperadu hotu kedas tamba sira hetan tratamento iha ne’e” dehan Diretora Apoio Diagnóstica e Trapeótico iha HRS Judith Imaculada.
Diretora ne’e esplika, atu prevene moras Diaria no ISPA ne’e, tenke hamos bebeik ambiente nebe foer no fase liman bebeik ho sabaun.
“ ita atu halo prevensaun ba moras Diaria no ISPA ne’e, oinsa moras ne’e labele kona ita, entaun ita tenke hamos bebeik ita nia ambiente ne’e halo mos bebeik, no tenke fase liman bebeik ” Diretora ne’e Salienta.
Entertanto liga ho kazu ba moras nebe maka aas liu iha Hospital Referal Suai, Diretora ne’e husu ba Komunidade sira iha Covalima, atu prevene an husi moras oioin, fase liman bebeik, no hamos ambiente nebe maka foer, atu nune’e bele evita moras ne’e atu daet ba ema nia isin.
Jornalísta : Tynho Gusmão
Editór ` : Chamot Nahac
