“Kazu moderado Covid-19 na’in 1 husi Covalima Transfere ona ba Municipio Dili” Filipe- Labele fo sai naran inisial

Covalima (RCCT) 11-05-21 Diretur servisu Saude Municpio Covalima Filipe Pereira Lemos, dehan Kazu Moderadu ida husi Municipio Covalima Transfere ona ba Dili iha Tersa-Feira horiseik kalan (11-05-2021) Diretur ne’e esplika bazeia ba informasaun husi Responsavel Izolamentu Suai katak, iha Tersa-Feira kalan (11-05-21) Ekípa Saúde detekta kazu positivo ida ho kondisaun moderado, no kazu ne’e transfere direta ba Municipio Dili iha Tersa feira kalan.

Informasaun husi Responsavel Izolamentu katak, hori kalan ita detekta kazu positivu ida ho kondisaun moderado, depois kazu ne’e hori kalan ita trasfere kedas ba Municipio Dili ” Dehan Filipe

Entertanto kazu positivu ho kondisaun moderado nebe detekta iha Tersa Feira(11-05) semana ne’e, Diretor Filipe labele fo sai naran inisial, maibe nia parte informa katak, Sidadaun ne’e mane no husi Municipio Covalima.

Jornalísta : Tynho Gusmão & Lito de Jesus

Editór      :Chamot Nahac