Covalima (RCCT) 27-08-24- Kareta 133 maka sei tula Sarani hamutuk rihun hat (4000) husi Munisipiu Covalima ba Dili hodi partisipa iha vizita Sua Santidade Papa Francisco mai timor leste no misa iha tasi tolu, sarani 4000 ne’e sei Aranka husi suai ba dili iha loron 08 de Setembru 2024.
Ba jornalista sira Prezidente Autoridade Munisipiu Covalima Miguel Armada Cardoso “Razão” informa, husi kareta 133 ne’e iha kareta 77 mak Covalima oan sira fornese gratiuita ba autoridade covalima liu husi komisaun organizadora hodi bele tula sarani sira partisipa misa no vizita sua santidade papa franciso mai timor leste.
“Atu partisipa iha misa ida ne’e ema rihun hat, ida ne’e maka sarani iha Covalima presija karete truk ho bis hamutuk 133, maibe tanba identifika seidauk to’o ba Covalima ho ida ne’e maka ohin loron halo sorumutu ida ho na’in ba kareta sira ou komunidade sira ne’ebé maka iha kareta nune’e mos ba kompaiña sira, identifika ona sira nia kareta hotu ne’e maka iha ona kareta 77, ida ne’e sira hirak ne’ebé atu fo gratuita hodi tula sarani sira husi Covalima ba Dili, maibe ida seluk ami identifika mos tan kareta 133 kareta ne’e lato’o ba ami tan ne’e sira hirak ne’ebé ami identifika sei halo karta ida ba sira hodi nune’e sira bele oferese sira nia kareta no mos ami sei fo mina litru 100 ida ne’e maka ami hanoin hela” dehan PAM Miguel Armada Cardoso “Razao” ba jornalista sira iha Salaun enkontru Administrasaun Munisipiu Covalima Tersa (27/08).
PAM haktuir katak kareta na’in 77 kontribui ona sira nia kareta 77 ho gratuita hodi tula sarani sira husi Covalima ba Dili, maibe sei persija tan kareta 56 hodi kompleta ba kareta 133 nune’e bele transporta sarani rihun hat husi Covalima ba Dili.
“Sim ohin sira rasik hamutuk ema 77 ou kareta na’in 77 hatudu katak sira fo ona kareta garatuita, mina ba mai sira na’in maka responsabilidade rasik, ida 70 resin ita buka tan ne’e maka parese ita tau mina ba kareta, ba maluk sira estranjeiru ne’ebé buka moris fila liman iha Covalima ne’e ami sei fo karta ida ba sira hodi sira bele oferese sira nia kareta, kuandu sira la oferese kareta ami haree sira bele ajuda oin nusa bele tau netik mina ba kareta seluk ne’ebé iha” Armada hatete.
Entertantu, maioria kareta na’in sira apoiu hotu kareta ho gratuita atu hodi tula sarani Covalima hamutuk rihun hat partisipa iha misa Tasi Tolu ne’ebé sei diriji direita husi Sua Santidade Papa Francisco, tanba ne’e tuir orariu sarani sira sei aranka husi Covalima ba Dili iha loron 08 fulan Setembru 2024.
Jornalista : Julio Salinas
Editor : Chamot Nahac
