Kareta no Motor Iha Administrasaun Municipio Covalima hamutuk 22 tama ona iha sistema lelaun

Covalima (RCCT) 12-05-21 Ofisial Aprovizionamentu Logistik iha Sekretariadu Municipio Covalima Domingos Mau Meta hateten Transporte hamotuk 22 iha Administraun Municipio Covalima, Motor hamutuk 17 no Kareta 5 mak tama ona iha sistema lelaun.

“Transporte Kareta ho Motor nebe mak tama ona iha sistema lelaun hamutuk Rua Nulu resin Rua ( 22 ) Kareta Lima ( 5 ) Motor Sanulu resin Hitu ( 17 ), oras ne’e dadaun Prosesu lelaun la’o hela, maibe ami husi Municipio sei hein ekipa komisaun lelaun husi Nasional sei mai halo verifika dokumentus transprte hirak ne’e, tanba ita iha Municipio halo karta ba ba ona iha Nivel nasional, no ita husi Munispio hein deit sira iha Nasiona.” Dehan Domingos Mau Meta.

Ofisial Logistica Administrasaun Municipio Covalima Domigos Mau Meta hatutan Transporte nebe mak ativu hodi hala’o servisu iha administrasaun ne’e sei iha 14, kareta iha 7 no Motor 7, Transporte hirak ne’e inklui mos iha Posto Administativu 7 nebe lokazisa iha Municipio Covalima,

” Kareta ba Administrador do Postu sira nian nebe mak funsiona sei iha 4 mak hanesan iha Posto Fohorem, Fatumea, Maucatar ho Tilomar. maibe Kareta ba Administrador Posto Suai, Zumalai no Fatululik kategoria tama iha sistema lelaun tanba kareta 3 ne’e ho kondisaun nebe mak grave onaTenik Domingos Mau Meta.

Relasiona ho sistema lelaun ba transporte hirak ne’e Ofisiais Logistika Domingos Mau Meta hateten iha sistema lelaun iha modelu 2, ida interna no ida seluk externa, modelu ka sistema lelaun Interna katak funsionario sira servisu iha Administrasaun mak bele iha direitu atu halo lelelaun no ida externo ne’e publiku sira iha direitu hotu ba lelaun transporte hirak ne’e no kona ba Kustu lelaun komisaun sira sei prepara.

Jornalista : Saturnino Soares & Jose Fereira

Editor Chamot Nahac.