COVALIMA—-Xefe Departamentu Programatiku Saude Munisípiu Covalima, Agapito de Jesus Nunes, hatete kareta ambulansia husi Sentru Saude Fatumea no Fatululik nian avaria ne’e maka oras ne’e daudaun halo hela manutensaun.
“Ita ko’alia kona-ba kareta ambulansia iha fasilidade saude sira iha hotu, soke daudaun ne’e iha sentru saude Fatumea no Fatululik nian maka ambulansia rua ne’e avaria, agora halo hela manutensaun iha munisipal, depois manutensaun hotu ona koloka fali ba sentru saúde rua refere” informa Xefe Departamentu Programatiku Saude Munisípiu Covalima Agapito de Jesus Nunes ba Jornalista sira hafoin partisipa iha workshop ne’ebe hala’o husi Ministeriu Saude ba nivel Rejional kona-ba planu mikro nivel sentru saude komunitaria ba Serbisu Munisipiu Aileu, Ainaro, Covalima no Manufahi, ne’ebe hala’o iha Salaun enkontru Eskola Sekundaria Geral Publika Suai, kuarta (12/04).
Xefe Departamentu Programatiku Saude Munisípiu Covalima haktuir, ba sentru saúde 5 seluk ne’e ambulansia sei diak hotu, husi fatin rua ne’e deit maka avaria no oras ne’e daudaun halo hela manutensaun ba ambulansia rua refere.
Nia sublina transporte ba fasilidade saude balun oras serbisu saude munisipal maka Supply transporte governu noan ba, maibe transporte sira ne’e go nia idade mos bele konsidera dehan tama ona terseira idade tanba ne’e nia manutensaun mos ladun diak uza kleur balu bele avaria tiha.(Azu)
