Covalima (RCCT) 25-02-25 Karau estraga komunidade nia vireiru hare bandeza plastiku (Tray Semay) hamutuk nen nulu (60) iha natar Oebaba, Postu Administrativu Zumalai, Munisipiu Covalima.
Karau estraga vireiru hare hamutuk bandeza plastiku nen nunlu (60) iha Sexta loron 21 fulan Fevereiru tinan 2025 nune’e Komunidade natar na’in, Mario Ferreira espresa sentimentu triste tanba viveiru hare ne’e prontu ona atu kuda iha natar maka komunidade balu nia animal (karau) foin estragada.
“Ha’u senti triste tanba halo buat ne’e prosesu ne’ebé naruk tebes, tanba durante ne’e la halo lutu, tanba rai ne’ebé sira halo natar ne’e hamutuk tiga ribuh hektarea” Mario Ferreira espresa.
Ofisial Projetu Hadi’a Produtividade Agrikultura Sustentável (SAPIP-sigla portuguesa) iha Munisipiu Covalima, Leonito do Nasimentu informa vireiru hamotuk bandeza plastiku (Tray Semay) 60 ne’ebe komunidade balu nia karau estraga ne’e lolos prontu ona grupu arikultor sira atu kuda ona iha sira nia natar.
“Ha’u mos senti triste tanba lolos ne’e vireiru ne’ebé mak ita prepara ne’e kuda ona iha loron domingo liu ba kotuk ne’e tamba iha dia 22 ne ita halo kordenasaun feitu ona katak ita grupu sira atu kuda ho grupu hadomi agrikultura ninian oinsa hodi vireiru ida ne’e mak hodi hamutuk ho grupu sira atu uza makina kuda hare ne’ebé mak ita fahe ne’e atu bolu hotu grupu sira ne’ebé mak eziste iha area Oebaba ninian atu bolu sira mai aprende utiliza makina hodi kuda hare” Leonito esplika.
Tuir lolos grupu agrikultor sira atu uza makina kuda hare iha loron 15 no loron 20 fulan ne’e maibe sorti moruk akontese iha loron 21 (sexta kalan) karau estraga ona viveiru hare.
Jornalista : Alfredo Barreto
Editor : Chamot Nahac
