COVALIMA——Diretora Servisu saúde Munisipiu Covalima, Maria de Fatima Moniz, hateten tuir dadus kona-ba programa nasionál imunizasaun integradu iha Munisípiu Covalima ne’ebé lansa iha loron 12 fulan jeneiru to’o loron 27 fulan janeiru ne’e atinji ona pursentu atus ida (100%).
“Progresu produtu ne’ebé ita hala’o kampaña nasionál ita haree hamutuk iha Covalima ita atinji liu ona pursentu 100, maibé iha sábadu ne’e ami koko oinsa atu hasa’e tan ita nia alvu” informa Diretóra Servisu Saúde Munisipiu Covalima, Maria de Fatima Moniz, ba jornalista sira iha nia kna’ar fatin Serbisu Saude Covalima, Ladi Camanasa, Suai, Tersa (31/01).
Nia afirma kampaña nasionál imunizasaun integradu iha Covalima liu ona alvu ne’ebé tuir alvu enumerasaun na’in- 6, 883 husi númeru ne’e, atinji ona iha loron 27 janeiru labarik sira mai simu imunizasaun hamutuk-7,379 signifika trajetu tuir alvu ne’ebé iha.
Kampaña nasionál integradu komposto husi imunizasaun rútina sarampo ba polio, introdus PCV, vitamin A no abendazol la taka dalan halo imunizasaun ba vasina pfrizer covid-19.
“Iha loron 27 janeiru ita atinji ba OPV hamutuk-7.379, PCV 7.199, sarampo ita atinje ona 6.167, vitamina A 6.476 albendazol 5.941, haree ba ita nia atinjimentu ita liu ona trajetu fó husi nasionál 6. 883. Ami iha komitmentu ida oinsa atu hasa’e tan númeru alvu ne’ebé iha tanba ita haree la bele liu pursentu 100” nia dehan.
Ho nune’e hasa’e alvu munisipalmente OPV, 7,983, CPV 7.799 kada nia produtu vitamin A no albendazol iha trajetu entaun hasa’e númeru alvu presija aumenta tan 604.
Nia haktuir hafoin lansa kampaña nasionál imunizasaun integradu iha loron 12 to’o 27 fulan janeiru liu ona tratejeu husi nasionál tanba molok ne’e halo advokásia kedas ona husi munisipal to’o iha suku.
Durante implementa programa kampaña nasionál imunizasaun ne’e xefe suku sira halo mobilizasaun komunidade mai iha fatin tau postu vasinasaun no fó avizu liu husi igreja kada domingo.
Munisípiu Covalima ho nia suku 30 estabelese postu kampaña nasionál imunizasaun, iha aldeia iha 148, aumenta tan pos vasina iha eskola pre-eskolár hamutuk postu -159.(Azu)
