Covalima (RCCT) 01-09-20- Centru Juventude Covalima (CJC) hamrik ho Vizaun atu kapasita Juventude nis Abilidade no Kapasidade, liu husi vizaun ne’e CJC hakrak desenvolve kapasidade foin sa’e sira nian liu-liu iha lian ingles. Dehan Diretor Calistro Leite Gusmão ba RCCT tresa Feira (01/08/20) iha nia Kna’r fatin edifisiu CJC.
Tan ne’e Calisto dehan ba dadaun ne’e CJC servisu hamotuk ho Organizasaun Juventude Forsa humanista Covalima loke hela kursu lian Inglesh ba foin sa’e sira nebe hakarak aprende Aprende Lian Inglesiha Covalima.
“ Atividade kursu Ingles ne’e la’o tamba servisu hamutuk entre Centru Juventude Covalima ho organizasaun forsa humansita Covalima, nune’e bele dezenvolve kapasidade no abilidade foin sa’e sira nian nebe hare liu ba konsementu iha lian Ingles” Dehan Calisto.
Tanba ne’e Calisto dehan Kursu sira nebe realiza iha CJC hanesan Kursu Kumputador no Lian Ingles ne’e sei fornese gratuita no CJC mos sei fornese sertivikadu apresiasaun wainhira estudante remata sira nia kursu ira CJC.
Diretor ne’e hatutan, ba dadaun ne’e, partisipantes nebe tuir kursu lian ingles hamutuk ema na’in 135, nebe maioria mai husi estudantes nivel basiku no nivel secundaria sira iha Covalima.
“ Total partisipantes hamotuk ema na’in 135 nebe kompotus husi feto ema na’in 104 no mane iha ema na’in 31 no sira ne’e mai husi estudante eskola nivel basiku sira no mos balu husi estudante eskola nivel Secundaria.”
Diretor Calistro Leite Gusmão Afirma Treinador ba kursu ne’e balun mai husi Organizasaun Formas Humanista Covalima no balu husi CJC rasik mak oferese, no mos durante aktividade kursu lian inglis iha CJC ne’e fahe ba grupu 4 nebe kada grupu ida idak ho ninia treinador rasik.
Liga ho ne’e, Estudante kursu lian ingles, Octaviana Moniz Amaral, sente kontenti no iha vontade rasik atu tuir kursu ne’e, tamba liu husi kursu bele aprende buat nebe maka durante nia seidauk adapta.
“ Ha’u orgulho tebes ho kursu ne’e tamba liu husi lian ingles ha’u aprende buat ne’ebe barak depois ha’u mos bele aprende halo adaptasaun ba buat ne’ebe maka ha’u seidauk la adapta durante ne’e..” Dehan Octaviana.
Tuir informsaun nebe RCCT Asesu kursu lian ingles ne’e sei hala’o ona durante semana 3. Aleinde kursu Ingles, iha CJC mos loke kursu komputador ba ba Juven sira nebe hakarak Aprende
Jornalista : Tynho Gusmao
Editor : Chamot Nahac
