Covalima (RCCT) 12-11-23—Juventude no Autoridade sira Selembra misa iha igreja ave maria sai hodi komemora loron juvetude nasional ba dala XXI no Masakre 12 de Novembru ba dala XXXII, hafoin remata misa kontinua kari ai funan iha monumentu masakre setembru negro suai.
Partisipa iha selebrasaun ne’e, Sekretariu Dewan Solidaritas Pemuda Pelajar Timor Timor iha Munisipio Covalima, Vitor Gomes husu ba juventude sira atu fo liman ba malu hodi halo dezenvolvementu iha munusipiu Covalima.
“Lolos hotu hotu mai partisipa iha fatin istoriku ida ne’e hodi hanoin hikas ita nia eroi sira mak fo isin mate ba ukun rasik an ida ne’e, segundu hau husu atu husik ona hanoin ida ne’ebé mak ladi’ak ba ita nasaun ida ne’e, atu nune’e ita halo dezenvolvimentu iha munisipiu Covalima ba Futuru” Sekretariu Dewan Solidaritas Pemuda Pelajar Timor Timor iha Munisipio Covalima, Vitor Gomes dehan lia ne’e hafoin kari ai funan iha monumentu masakre setembru negro suai.
Juventude Postu Administrativu Suai, Bernabe Fereira hatente, nudar juven persija fo kontribuaisaun ba atividade komemorasaun Loron Nasional Juventude no mos Masakre Santa kruz 1991.
Tan ne’e nia husu ba Juventude hotu munisipiu Covalima ba futuru atu partisipa masimu iha eventude nasional hotu hodi bele fo kontribui no valiriza aswain sira ne’ebe uluk luta ba independensia timor leste nian.
“ Iha loron nasional Juventude no komemorasaun loron masakre santa krus tinan ida ne’e, nudar joven ida senti kontenti tanbe bele implementa mai to’o iha postu administrativu sira, entaun nudar joven orgullu no tenki kontribuai buat ne’ebé ha’u iha ba selebrasaun ida ne’e, ha’u nia mensazen ba juventude sira iha Postu hitu atu partisipa eventu sira hanesan importante atu lori hanoin hikas ita nia aswain no eroi sira ne’ebe mak fo sira nia isin, fakar sira nia ran ba luta hetan independensia ida ne’e” katak Bernabe
Entretantu Komemora Loron Nasional Juventude ba dala 21 no Masakre Santa Kruz ba dala 32 iha Covalima, Komisaun Organiza hetan apoiu fundu husi Ministeriu Juventude Desportu Arte no Kultura hamotuk dolar amerikanu rihun neen atus lima, ba atividade prioridade tolu mak hanesan Seminar, Kalan Reflexaun,Missa no kari ai funan.
Maibe Ministeriu mos mos fo portunidade ba Juventude sira liu husi komisaun orgaizadora atu be;e delega tan atividade seluk, nune’e iha Covalima realiza mos atividade Kompetisaun Diskursu Públiku no mos Marsa da paz.
Jonalista : Moises Madeira
Editor : Chamot Nahac
