Covalima (RCCT) 17-04-23, Responsavel Kmanek Oan Rai Klaran (KORKA) Munisipiu Covalima, Justinho Guterres Maia, klarifika kona-ba konfrontu entre organizasaun arte marsiais KORKA no PSHT iha Aldeia Raifila no Harekain, Suku Raimea, Postu Administrativu, Zumalai, Munisipiu Covalima.
“Akontese iha dia 10 foin lalais ne’e ita sai ne’e tanba ita nia surat (karta) konesimentu ba iha autoridade seguransa, ita nia oras atu sai husi Suai desloka ba iha Munisípiu Ainaro hahu iha tuku 2:00, ami mos laiha intensaun katak ba to’o iha fatin ida ne’e akontese hanesan ne’e, komu iha dia 10 ami sai husi ne’e tuku 2:00 ba to’o fatin ida Aldeia Raifila, Suku Raimea, ami to’o duni fatin ne’eba, komu sira iha fatin refere hein iha ne’eba iha ema na’in-6-7 hanesan ne’e, maibe iha ema na’in-2 ho kondisaun lanu, pas ami to’o fatin sira komesa halo reasaun kaer fatuk taka tiha dalan konsege hapara tiha ida uluk ne’e, maibe iha momentu ita tun hodi akalma tiha sira” informa Responsavel Kmanek Oan Rai Klaran (KORKA) Munisipiu Covalima, Justinho Guterres Maia, ba RCCT iha nia hela fatin Galitas, Zumalai Domingu (16/04).
Nia haktuir bainhira akalma tiha situasaun iha momentu ne’eba haruka membru sira sae kareta hodi kontinua ba iha Ainaro, maibe derepente deit alin oan ida kaer fali fatuk atu lori tuda alin oan ida, iha momentu ne’e alin ida hetan haksoit tun husi kareta leten tun ba rai hodi halai ba basa kedas alin ida ne’ebe kaer fatuk maibe kontinua akalma nafatin sira.
Motoriza kuaze 500 hanesan ne’e, kareta kuaze 15 sira kontinua viazem ba Ainaro, hotu ida ne’e, maibe depois hotu ho ida ne’e komu iha situasaun akontese ona no membru sira barak liu, la kontrolu mos sira na’in hira sira viazem ikus ne’e, no sira balu Kalo barak liu kaer tiha fatuk hodi tuda tiha kalen kios ida foin halo ne’e hodi rezulta kalen tahan 5 ka 6 hanesan ne’e kuak.
Depois ho situasaun sira ne’e hotu iha momentu ne’e ferik ida iha ne’eba konsege hetan duni raan maibe ferik ne’e ema tuda maka kona maibe ho tauk halai kait kona perigu ne’e maka sona ne’e maka raan sai ne’e, ne’ebe ida ne’e laiha buat ida, no informasaun ne’ebe espalla iha media sosial katak membru organizasaun KORKA hatun bandeira partidu CNRT nian ne’e laloos informasaun falsu.
“Ami rezeita katak membru organizasaun KORKA hatun bandeira partidu CNRT nian ne’e laloos informasaun falsu, tanba iha tempu ne’eba sira lubuk boot ida kuaze motorizada 500 resin ho kareta 15, kontinua la’o nafatin ba Ainaru no iha tempu ne’eba mos hau maka ikus liu tanba hau sei ko’alia ho familia sira ne’e ho sira nia maun boot ida naran Goris hela no bandeira ne’e mos sei hamrik hela, iha tempu ne’eba mos membru polisia ida iha ne’eba hau sei ko’alia hela ho nia katak bandeira ida iha kios sorin no ida seluk iha sorin laiha buat ida nein atu monu nia ai oan lori hasae bandeira ne’e mos atu tohar laiha, maibe kuaze oras tama ona ba tuku 5 ou tuku 6 haree fali iha media Facebook katak ami sunu ona bandeira, les bandeira ne’e informasaun ida falsu” nia klarifika.
Nia esplika iha konfrontasaun sei lao manas ne’e bandeira la monu no sira grupu boot ne’e akalma tiha hotu sira komesa dezloka ba Ainaro, sira laiha hotu hau (Justinho) sei nafatin ko’alia ho familia sira ne’e iha fatin akontesimentu foin kontinua viazem ba Ainaro.(JS)
