Covalima (RCCT) 17-04-23, Responsavel Kmanek Oan Rai Klaran (KORKA) Munisipiu Covalima, Justinho Guterres Maia, husu membru KORKA tomak iha Munisipiu Covalima atu kria pas no estabilidade, hodi labele akontese tan problema hanesan foin lalais akontese liu ba.
“Ida ne’e maka hau nia lia menon ba membru sira hotu husi Kmanek oan Rai Klaran (KORKA) ba iha postu 7 iha Covalima atu hotu-hotu hakmatek hodi kria, Pas unidade iha ita nia rai Covalima, liliu iha Timor-Leste atu buat ne’e labele akontese tan, tanba buat ne’ebe akontese liu, liu ona labele akontese tan” informa Responsavel Kmanek Oan Rai Klaran (KORKA) Munisipiu Covalima, Justinho Guterres Maia, ba RCCT iha nia hela fatin Galitas, Zumalai Domingu (16/04).
Nia husu ba membru organizasaun KORKA tomak katak buat ne’ebe akontese liu, liu ona atu labele akontese tan no entrega deit ba parte seguransa maka bele investiga ba prosesu ida ne’e klean liu tan ba akontesimentu foin lalais iha Raifila no Harekain Postu Zumalai.
Dalan ida tan Justinho alarma ba membru KORKA hotu atu hakmatek iha fatin, akontese foin lalais ne’e sai hanesan lisaun ba hotu-hotu sukat hodi hanoin no iha ikus liu buat ne’e sei la akontese tan.
“Ida ne’e maka hau hato’o ba membru organizasaun KORKA iha Covalima laran tomak, no covalima oan sira ne’ebe namkari iha Timor laran tomak no iha rai liur hotu-hotu rona no hanoin lisuk ida ne’e, problema ida ne’ebe akontese liu, liu ona labele hanoin atu akontese fila fali iha loron ikus mai, ita husi KORKA hakarak kria amizade ida ne’ebe diak, ita hakarak halo aliadu diak ba ita nia maun alin sira hotu husi PSH, IKS, tantu husi organizasaun sira seluk atu kria amizade no pas ida ne’e maka hau nia mensajem ikus liu ba membru sira hotu” nia husu memebru KORKA sira.(JS)
