COVALIMA—-Prezidente Camara Comersiu Industria Munisípiu Covalima, Julio do Carmo sente triste tanba iha knfrensia da IV CCI Covalima ba periode 2022-2026, nian la hetan partisipa husi Administrador Munisipiu Covalima no Komandante Polisia Nasionàl Timor-Leste Munisipiu Covalima maibe konvite to’o hotu.
“Molok atan hau atu ko’alia lia fuan ida ne’e hau husi diskulpa, tanba hau nia hakarak ema ne’ebe atu partisipa iha konfrensia ida ne’e ita hotu importante, mas importante liu maka Adiministrador Munisipiu Covalima (AMC) ne’e harus hadir, iha konvite ne’ebe hato’o ba ne’e hau rasik hakerek mos iha okos liu hatete hanesan ne’e Suex AMC ita boot nia prezensa mais importante maibe realizade administrador la partisipa, mos hanesan komandante PNTL Munisípiu, iha sekensia ami nia programa ne’e husu atu Komandante munisipiu mos tenke ko’alia maibe la partisipa hotu” deklara Prezidente CCI Covalima Julio do Carmo iha nia intervensaun hafoin hala’o konferénsia da IV CCI Covalima ne’ebe hala’o iha salaun enkontru Administrasaun Munisípiu Covalima, Kinta (26/01).
Julio fiar katak maske administrador ho komandante la partisipa iha iha konfrensia ida ne’e, maibe sei iha nia saseluk seu esplika sasan sira ne’e ho diak, atu nune’e CCI Covalima bele serbisu hamutuk ho autoridade lokal tomak iha rai Covalima ida ne’e.
Prezidente CCI Covalima ne’e haktuir iha sekensia programa konfrensia ida ne’e husu komandante mos tenke ko’alia tanba komandante munisipiu iha fronteira ida ne’e mais importante, CCI Covalima hakarak atu serbisu hamutuk ho PNTL atu hodi haree ba iha lina fronteira liliu ba sasan sira ne’ebe tama no sai iha fronteira.
Hatan ba preokupasaun Prezidente CCI Covalima nia ne’e, Reprezentante Administrador Munisipiu Covalima, Afonso Noguera Nahak, hateten Administrador Munisipiu Covalima ohin labele marka prezensa tanba sei hala’o viazem ba iha Munisípiu Manatu hodi hala’o serbisu importante balu iha ne’eba.
“Iha konfrensia ida ne’e ita nia administrador la partisipa tanba administrador sei halo hela viazem ba iha Manatutu, tanba ne’e Administrador entrega konvite ne’e mai atan hau hodi partisipa” nia informa.
Nune’e reprezentante komandante PNTL Munisípiu Covalima, Jaoguim da Costa haktuir komandante sei labele hola parte iha eventu ida ne’e tanba komandante hala’o hela viazem ba Dili hodi tuir enkontru ida iha nasional ne’eba.
“Ita nia komandante munisipiu ohin la partisipa tanba halo viazem ba Dili aban atu tuir enkontru ida iha nivel nasional ne’eba, ne’e mak ohin komandante munisipiu delega atan nudan komandante eskuadra Suai hodi mai partisipa iha knfrensia CCI Covalima nian ne’e” informa Joaquim.(Azu)
