Covalima (RCCT) 10-05-21 Durante Situasaun Estado Emerjensia (EE) tanba Covid-19 Hospital Referal Suai rejista inan isin rua hamutuk 206 maka partus iha Hospital Referal Suai (HRS)
Informa ba Jornalista RCCT, Diretora Apoio Diagnóstica e Trapeótico iha HRS, Judith Imaculada hateten, Durante EE Inan Isin rua hamutuk 206 maka partus iha HRS, no husi total ne’e 44 maka partus liu husi operasaun ka Sezáriana.
“ Durante EE ne’e Inan Isin rua hamutuk 206 maka partus iha Hospital Referal Suai, no husi total ida ne’e, Inan Isin rua 44 maka partus liu husi operasaun ” Dehan Diretora Judith ba Jornalista RCCT iha Hospital Referal Suai Segunda Feira (10-05)
Diretora Judith Imaculada klarifika, liu husi total inan isin rua hamutuk 206 ne’e, Bebe nebe mak moris iha Hospital Suai hamotuk 209, tanba iha bebe balu mak moris Kaduak.
“ Husi inan 206 nebe maka partus iha Hospitaal Referal Suai ne’e, ho nia bebe nebe maka iha hamutuk 209, ida ne’e kompostu husi Feto 107 no Mane 102 ”Diretora Judith Imaculada ne’e Salienta.
Entertanto Diretora ne’e husu ba Inan Isin rua sira, bainhira besik ona loron atu partus, tenki hakat ba Hospital Referal Suai (HRS) ka Sentru Saúde sira nebe maka estabelese tiha ona, atu nune’e bele hetan lalais atendimento husi Pessoal Saude sira.
Jornalísta : Tynho Gusmão
Editór : Chamot Nahac
