Covalima (RCCT) 31-03-24-Kapela santa Maria Maromak nia Inan, Salele bo’ot kontinua realiza kompetisaun sertama biblia ba foin sa’e sira hodi selebra Loron paskua tinan 2024, molok ne’e komisaun organizadora iha sexta feira feira (28/03) hala’o uluk ona kompetisisaun le biblia hodi mentaliza no halo kadernizasaun ba foin sae sira salele Bo’ot, Wetaba no Ai-Oan ne’ebé hamahon iha kapela Santa Maria maromak nia inan.
Xefe Komisaun Organizadora Norberto Lino, hateten programa ne’e realiza tanba inisitiva husi joventude no sira nia kontribuisaun ba fundu hodi kompra prezente ba manan na’in sira ne’ebe kualifikadu di’ak liu.
“Programa ne’e lolos iha barak soke hare husi fundus depois ami deside hamutuk iha rua mak primeiru le biblia, no Sertame Biblia programa, ne’e inisiativa husi joven hamutuk ho komisaun organizadora ba programa eventu paskua ba rayon B ninian hamutuk hodi hala’o programa ne’e no fundus ne’e mos la mai husi seluk mai husi komisaun ne’ebé inisiativa hari programa ne’e, iha fundus ne’ebé mak ho nia montante ki’ik liu maibe ba alin sira nian prezente ne’e bo’ot fundus bele kik maibe prezente bo’ot ne’ebé alin sira keta hanoin katak fundus ki’ik prezente ki’ik. la’e fudus ki’ik maibe prezente bo’ot katak imi nia kapasidade ne’e mak hatudu imi sai pilar ba dezenvolvimentu iha futuru la’os prezente mak haforsa emi nia kapasidade” katak Xefe Komisaun Organizadora, Norberto Lino.
Afonso Francisco Rumeiro nudar menan na’in dahuluk iha kompetisaun Sertame Biblia Senti kontenti ho tanba liu husi kompetisaun bele kapasita ona no promove sira sira nia kapasidade.
“Ami Senti kontenti ba konpetisaun nebe realiza husi komisaun organizadora hodi bele kapasita ami nia kapasidade ho diak liu husi konpetisaun le ,e Bibilia ho sertame Bibilia hodi ami bele hetan primeiru lugar iha konpetisaun ne” nia espresa
Reprezentante inan no aman, Crispin Thomas, husu ba joventude sira atu kontinua inisia programa proditivu sira hodi promove talenta foinsa’e sira nian hodi prepara futuru ida ne’ebé di’ak liu.
“Ami nu’udar inan aman ami senti kontenti tebes ba eventu sira nebe maka halao iha tenpu paskua eventu sira nebe maka halao ne mai husi inisiativa joven sira ami mos haksolok baa mi nia oan konkorente liu husi eventu ida ne sira partispa masimu depois hetan apoiu mos husi srani sira tomak husi kapela tolu kapela ai-Oan Salele Bo’ot ho wetaba ami nia esperansa ba oin ami nafatin husu apoiu husi joven sira ba oin karik iha eventu loron bot ba iha loron natal ho tinan foun ba paskua nafatin kontinua halao programa ida ne atu nune liu husi programa ida ne bele kapasita ita nia oan no beioan sir aba iha futuru” Crispin Thomas husu.
Enkuantu fundus ba atividade Kompetisaun le biblia no sertame ne’e hamotuk dolar amerikanu sia nulu ($90), ne’ebé kontribui husi joventude sira mak hamahon iha kapela santa maria maromak nia inan salele bo’ot.
Jornalista: Moihung
