COVALIMA—-Prezidente Camara Comersiu Industria Timor-Leste (CCI-TL), Jorge Manuel de Araújo Serano, dehan kuandu ko’alia kona-ba nasaun no estadu ida atu hamrik metin ne’e sei la ses husi ekonomia, tanba ekonomia maka raan ba nasaun no estadu.
“Ita ko’alia estadu, ita nasaun sei ka ses husi ekonomia, ekinomia maka raan ba nasaun ho estadu, ita ko’alia ba ekonomia sai autor ne’e maka emprezariu no sira ne’e hotu hamahon an iha CCI-TL ne’ebe ho nia estrutura iha munisípiu hotu” deklara Prezidente CCI-TL Jorge Manuel de Araújo Serano, iha diskursu hafoin loke abertura ba konferensia da IV CCI Covalima ba periode 2022-2026, ne’ebe hala’o iha salaun enkontru Administrasaun Munisípiu Covalima Kinta (26/01).
Jorge Serano dehan CCI-TL sai parseiru estratejiku governu nian, hatene iha dezafius balu laos deit iha munisipiu maibe mos iha nasional.
“Hau hatene iha dezafius balu laos iha ita nia munisipiu maibe iha nasional, tanba ne’e iha momentu maluk sira propoin hau kandidatu CCI-TL hahu kedas iha 2014 husu hau, 2018 mos maluk sira kontinua husu hau atu kandidata maibe hau la simu to’o 2022 maluk sira husu nafatin hau kandidata hau mos tenke simu atu ita hamutuk fo imajen ba CCI-TL, lori ambiente foun no kultura foun, tanba dala balun ita haree hanesan politika na’insira dez sakrifika emprezariu sira” informa Serano.
Serano afirma setor privadu Timoroan ne’e depende ba liu iha projetu publiku, ne’ebe dala barak projetu publiku sira ajuda tebes setor privadu para fortifika ekonomia hodi hala’o investimentu iha rai laran.
Prezidente CCI-TL ne’e dehan ekonomia oras ne’e lao diak liu ne’e iha munisipiu sira laos iha Dili, maibe Dili ne’e so foti deit desizaun.
“Hau hakarak atu hatete ba ita hotu iha fatin ida ne’e katak CCI-TL laiha kor politik, politik hotu-hotu iha CCI noa laran, CCI nia kor maka ida ne’e hanoin negosiu, koalia negosiu no halo negósiu, to’o tempu eleisaun ita rame-rame ba vota fila mai ida-idak hala’o nia atividade negósiu” nia informa.(Azu)
